Արմեն Աշոտյանը զգուշացնում է՝ Հայաստանին և Արցախին նոր վտանգ է սպառնում
2018 թվականի իշխանափոխությունից հետո եզակի մարդիկ էին, որ համարձակվում էին հանրային գիտակցության մթագնման պայմաններում իրենց վրա վերցնել նիկոլապաշտ հանրության հարվածներն ու անեծքները, և առանց այլևայլության ներկայացնել Հայաստանի համար Նիկոլ Փաշինյանի նախատեսած արհավիրքներն ու սպառնալիքները։ Ազգային ժողովի արտաքին հարաբերությունների հանձնաժողովի նախկին նախագահ Արմեն Աշոտյանն այդ եզակիներից էր, ով երբեք չլռեց, որպես վերլուծաբան և արտաքին հարաբերություններից գիտակ մարդ ներկայացրեց, թե ինչ է մեզ սպասվում արցախյան հարցում։ Այդ կանխատեսումների ճշմարտացիության մեջ, ցավոք, բոլորս համոզվեցինք 44-օրյա պատերազմում կրած խայտառակ ու դառը պարտությունից հետո։
Այսօր էլ, երբ Արմեն Աշոտյանն ինքն է հրաժարվել որևէ պետական պաշտոն զբաղեցնել կամ պատգամավոր դառնալ, նա շարունակում է վերլուծել իրավիճակը, արձանագրել, որ մեզ նոր ու առավել ծանր մարտահրավերներ են սպասվում։ ՀՀԿ փոխնախագահի կարծիքով, «կա երկու օրակարգ՝ իրական, որից տեղյակ են Ալիևը-Պուտինը-Նիկոլը, և այն, որը հրամցնում են մեզ։ Նիկոլը խոստում է տվել Ալիևին, վկա է Պուտինը, և հիմա սահմանային լարվածությունը իր խոստման ընթացքի գինն է, ու սա դեռ սկիզբն է։ Օրակարգում է Արցախի մնացալ հատվածից հրաժարվելու հարցը, ինչպես նաև միջանցքի հարցը»։ Արմեն Աշոտյանը օրերս նաև անդրադարձել է Արցախի նախագահի պաշտոնում ծվարած Արայիկ Հարությունյանին, մերկացրել նրա ստերն ու կեղծիքները։
«Նա ասել է, թե իբր «դավաճանություն չի եղել ու մենք կռվել ենք աշխարհի դեմ»: Սրան հիշեցնել է պետք վառվռուն աչքերով իր նախապատերազմյան հարցազրույցները, որոնցում նա հայտատրարում էր, որ Արցախի օդը այլևս փակ է, որ բանակը աննախադեպ համալրվում է, որ աշխարհը զմայլվում է ժողովրդավար Հայաստանով: Մարդ ինչքան բարոյապես ու մտավոր տկար պիտի լինի, որ հիմա էլ, այսքանից հետո, դեռ փորձի արյունից մաքրել իր ու իր տիրոջ արյունոտ երեսը»,- արձանագրել է Աշոտյանը և հավելել․ «Խոսելուց առաջ մտածելը չէր խանգարի: Բայց ոչ քո դեպքում, քանզի հիմա քո ուշքն ու միտքը ոչ թե Արցախի ապագան է, այլ շինարարական տենդերները, իսկ վերջում էլ՝ ապահով և անպատիժ ծլկելու ճանապարհների որոնումները»:
Տիգրան Գաբրիելյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Մենք վերջ կդնենք Փաշինյանի զիջողական քաղաքականությանը. տեսանյութ
ՀՀ իշխանությունը ԵՄ-ի հետ հարաբերություններում առաջնորդվում է երկակի ստանդարտներով․ Աննա Կոստանյան
Երբ ջնջվում է... ոգին. «Փաստ»
Բիզնեսի և հանքարդյունաբերության առաջնորդներից Մարկ Կուտիֆանին երրորդ Mining Armenia Forum-ի գլխավոր ...
Michelin-ի գաղտնի տեսուչները Հայաստանում. ո՞վ կարող է արժանանալ առաջին աստղին. «Փաստ»
Հայաստանի հանքարդյունաբերական ֆորում 2026. «Ռեսուրսներից՝ հնարավորություններ»
Քաղաքական «մարտեր առանց կանոնների». «Փաստ»