ԱՄՆ-ում ապօրինի մրցարշավի համար մեղադրանք են առաջադրել19-ամյա հայ տղայի
Կալիֆորնիա նահանգում 19-ամյա մի հայ տղայի մեղադրանքներ են առաջադրել այս ամիս ավելի վաղ Բերբանկ քաղաքում ապօրինի մրցարշավի համար, որը երեք մարդու կյանք էր խլել։ Կասկածյալների մեքենան մեծ արագությամբ բախվել էր փողոցում շրջադարձ անող մեքենային, որում գտնվող երեք անձինք մահացել էին։
KTLA-ի փոխանցմամբ, կասկածյալը Համլետ Արսենի Աղաջանյանն է, որին Լոս Անջելես քաունթիի դատախազությունը սպանության երեք դրվագով եւ անփույթ վարման մեկ դրվագով մեղադրանք է առաջադրել։ Աղաջանյանը երեկ առաջին անգամ կանգնել է դատարանի առջեւ եւ իրեն մեղավոր չի ճանաչել մեղադրանքներից եւ ոչ մեկում։
Դատախազությունն այժմ մտմտում է մյուս կասկածյալին մեղադրանքներ առաջադրելու վերաբերյալ։ Վերջինս 17 տարեկան է, եւ նրա ինքնությունը չ հաղորդվում։ Երկու անձինք մեղադրվում են օգոստոսի 3-ի գիշերը ապօրինի մրցարշավին մասնակցելու մեջ։ Աղաջանյանը եղել է սպիտակ գույնի Կիա մեքենայով, իսկ 17-ամյա դեռահասը Մերսեդես Բենց էր վարում։ Խաչմերուկում Կիան բախվել էր Ֆոլքսվագեն մակնիշի մեքենային, որը կիսվել եւ բոցավառվել էր։ Մոտ 20 տարեկան երեք ուղեւորները հարվածից դուրս էին թռել մեքենայից եւ մահացել էին։ Բերբանկի ոստիկանության փոխանցմամբ, ողբերգական այդ միջադեպից կարելի կլիներ խուսափել, եթե կասկածյալները մեքենան այդքան անփույթ եւ արագ չվարեին։
Համլետ Աղաջանյանը կալանավորված է, նրա համար 6 միլիոն դոլար գրավ է նշանակվել։ Եթե նա մեղավոր ճանաչվի, կարող է ընդհուպ ցմահ ազատազրկման դատապարտվել։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Ինչո՞ւ են իշխանությունները թիրախավորել դատավորին. «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...