Ես երթևեկում եմ այդ ճանապարհով. նորմալ է անցել, եթե գնացել-եկել եմ. Արտակ Դավթյանը՝ Գորիս-Կապանի մասին
Գորիս-Կապան ճանապարհահատվածի վերաբերյալ Ազգային անվտանգության ծառայությունը հանդես է եկել հայտարարությամբ, Գլխավոր շտաբը մեկնաբանություններ չունի։ Այս մասին այսօր՝ սեպտեմբերի 21-ին, լրագրողների հետ զրույցում ասաց Գլխավոր շտաբի պետ Արտակ Դավթյանը։
«Տվյալ հարցով մեկնաբանություններ շատ են արվել, քանի որ դա Պաշտպանության նախարարության և Զինված ուժերի հետ անմիջապես առնչություն չունի, չեմ մեկնաբանում։ Ազգային անվտանգության ծառայությունը հանդես է եկել հայտարարությամբ, որն ի գիտություն ընդունեք։ Գլխավոր շտաբը մեկնաբանություններ չունի։ Հարցը չի առնչվում Զինված ուժերին»,- նշեց նա։
Արտակ Դավթյանը նույն պատասխանը տվեց նաև հարցին, թե Գորիս-Կապան ճանապարհի այն հատվածը, որտեղ այժմ ադրբեջանցիներ են, հայկական է, թե՝ ոչ․ «Ազգային անվտանգության ծառայությունն ունի հայտարարություն այդ առումով, Գլխավոր շտաբը մեկնաբանություններ չունի»։
Լրագրողի դիտարկմանը, որ հարցը վերաբերում է անվտանգությանը, Դավթյանը պատասխանեց․ «Անվտանգությանն ի՞նչն է առնչվում։ Ճանապարհ սարքելը Զինված ուժերի՞ խնդիրն է կամ որտեղով պետք է անցնի ճանապարհը։ Այդպիսի խնդիր չկա։ Յուրաքանչյուրն իր տեղում իր աշխատանքը պետք է կատարի բարեխղճորեն։
Անվտանգության համար, եթե պետք է դասախոսություն կարդամ, ես ձեզ կհրավիրեմ դասախոսության։ Երկրի անվտանգությամբ զբաղված է յուրաքանչյուր գերատեսչություն իրեն տրված մասով։ Մենք անվտանգություն ենք ապահովում»,- ասաց Արտակ Դավթյանը։
Դիտարկմանը, որ այդ ճանապարհով երթևեկում են հասարակ քաղաքացիները և ոչ թե պաշտոնյանները, Դավթյանը նշեց․ «Ես երթևեկում եմ այդ ճանապարհով։ Նորմալ է անցել, եթե գնացել-եկել եմ»։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
«Հինգ շանտաժ-նախապայմանից երեքը գրեթե կատարված են». «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Ինչո՞ւ են իշխանությունները թիրախավորել դատավորին. «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն