Կուզեի՝ ինձ չճանաչեին․ Gucci-ի հայ մոդել Արմինե Հարությունյանի անկեղծ խոստովանությունը
Մոդել Արմինե Հարությունյանի «ոչ ստանդարտ» արտաքին տեսքը բազմաթիվ քննարկումների առիթ դարձավ։ 2019 թվականի գարնանը Բեռլինի փողոցներից մեկում Արմինեն լուսանկարվելու առաջարկ էր ստացել, ինչից հետո Gucci նորաձևության տան կողմից որպես մոդել հրավեր էր ստացել և սեպտեմբերի 22-ին մասնակցել Միլանի նորաձևության շաբաթվա համար նախատեսված «Գարուն-ամառ» հավաքածուի ցուցադրության քասթինգին։
Արմինեն ներառվել էր «սպիտակ հանդերձանքով» մոդելների առաջին խմբում, ցուցադրել այնպիսի զգեստներ, որոնք վաճառքի չեն հանվելու խանութներում և արժանացել հավանության։
Նա դարձավ առաջին հայ մոդելը, ով երևացել էր հանրահայտ ապրանքանիշի նորաձևության ցուցադրությանը։
«Գաղափար չունեմ, թե ինչու են մարդիկ ինձ սիրում։Երևի թե մի քիչ տարբերվում եմ»,- հարցազրույցներից մեկում ասել է Արմինեն։
Վերջինս խոստովանել է, որ ժամանակին մտածել է պլաստիկ վիրահատություն անելու մասին։
«Երևի թե բոլոր հայ աղջիկներն էլ մտածում են քթի վիրահատության մասին։Սակայն հետո հասկացա, որ քթի горб-ը շատ սիրուն բան ա։ Այն հետաքրքիր է դարձնում դեմքը։ Երբ ուսումնասիրում ես տարբեր արվեստագետներին, հասկանում ես, որ դա ընդհանրապես չի խանգարում, այն ավելի շատ առավելություն է, քան թերություն»,- ասել է Արմինեն։
Մոդելը վստահեցնում է, որ հաշտ է իր արտաքինի հետ։
«Ընդունել ինքդ քեզ այնպիսին, ինչպիսին կաս, չի նշանակում թողնես ինքնահոսի, պետք է զբաղվես քեզանով, բայց չգնաս ծայրահեղությունների՝ օրինակ պլաստիկ վիրահատությունների։
Դա ամենածայրահեղ քայլն է գեղեցիկ լինելու համար։ Դու կարող ես քեզ դարձնել քո ուզածը ոչ միայն դանակի միջոցով, այլ նաև ֆիզիկական ինչ-որ աշխատանքի միջոցով»։
Արմինեի խոսքով՝ հանրային լինելը իրեն այնքան էլ դուր չի գալիս։
«Կուզեի, որ մասնակցեի տարբեր ցուցադրությունների, բայց ինձ չճանաչեին։ Շատ է ճնշում, երբ փողոցում մոտենում են ու ուզում են նկարվել, որովհետև միգուցե դու այդ պահին տրամադրություն չունես, կամ քո ուզած ձևով չես հագնված կամ վատ ես զգում, բայց որպեսզի չնեղացնես, նկարվում ես։ Երբ նկարվում եմ, այդ պահին այնպիսի զգացողություն ունեմ, որ ինձ ստիպում են ինչ-որ բան անել»,- անկեղծ խոստովանել է Արմինե Հարությունյանը։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
«Հինգ շանտաժ-նախապայմանից երեքը գրեթե կատարված են». «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Ինչո՞ւ են իշխանությունները թիրախավորել դատավորին. «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...