Ինձնից բացի, Ադրբեջանի հետ օպերատիվ կապ է պահպանել ևս մեկ անձ՝ քաղաքական բնույթի հարցերով․ ինչու՞ դրա մասին չեն խոսում. Արթուր Վանեցյան
Civilnet-ի հետ զրույցում ԱԱԾ նախկին տնօրեն, ԱԺ «Պատիվ ունեմ» խմբակցության ղեկավար Արթուր Վանեցյանն անդրադարձել է իր պաշտոնավարման օրոք Ադրբեջանի հետ օպերատիվ կապ հաստատելու նպատակներին, ներկայացրել է, թե ինչ գործառույթ է կատարել ինքը՝ որպես ԱԱԾ տնօրեն, այդ կապը պահպանելով։
«Այդ կապը կոնկրետ իմ մասով ես իրականացրել եմ բացառապես սահմանային միջադեպերի հետ կապված հարցերով։ Օրինակ՝ մոլորվում էր մի հովիվ, անցնում էր Ադրբեջանի կողմ, զանգահարում էինք Ադրբեջան, ասում էինք՝ մեր հովիվը մոլորվել է, վերադրարձրեք կամ մտնում ենք, հետ բերենք։ Սահմանային միջադեպ է տեղի ունեցել, վիրավորվել է հայ զինծառայող, և այդ կապի շնորհիվ հնարավոր է եղել հայ զինծառայողի նեյտրալ գոտուց վերադարձնել և փրկել նրա կյանքը։ Եղել են դեպքեր, երբ ադրբեջանական կողմը փորձել է իրականացնել ինժենարական աշխատանքներ, ՀՀ կամ Արցախի ԶՈՒ սկսել են կրակել, որպեսզի այդ ուղղությամբ ինժեներական աշխատանքներ չիրականացվեն, ադրբեջանական կողմը պատասխանել է, լարվածություն է առաջացել, և այդ լարվածությունը հնարավոր է եղել կանգնեցնել։ Այսինքն, իմ օպերատիվ կապը բացառապես միտված է եղել սահմանային միջադեպերը կանխելուն, հանդարտեցնելուն։ Մենք անգամ դեպք ենք ունեցել, երբ Նախիջևանի կողմից հրդեհ էր բռնկվել և արդեն մոտենում էր Հայաստանի սահմանին, նաև Խոսրովի արգելոցին, և այդ կապի շնորհիվ մեր հրշեջ-փրկարարները կարողացել են անցնել դեպի ադրբեջանական տարածքներ և այնտեղ իրականացնել հրդեհաշիջման աշխատանքներ։ Դա է եղել օպերատիվ կապը»,- մանրամասնել է Արթուր Վանեցյանը։
Նա արձագանքել է նաև Նիկոլ Փաշինյանի կողմից իր անունը շահարկելու փաստին․ ԱԺ-ում հարցուպատասխանի ժամանակ Փաշինյանը, պատասխանելով օպերատիվ կապի վերաբերյալ «Պատիվ ունեմ» խմբակցության պատգամավորի հարցին, հերթական մանիպուլյացիային էր դիմել՝ շեշտելով ԱԱԾ նախկին տնօրենի անունը և մեղադրանքներ ուղղելով նրան։
«Նիկոլ Փաշինյանն ԱԺ-ում մի շատ կարևոր բան չասաց․ բացի ինձնից, ևս մեկ անձ է եղել, ով օպերատիվ կապ է պահպանել՝ քաղաքական բնույթի հարցերով։ Ինչու՞ դրա մասին չեն խոսում։ Թող դրա մասին խոսեն։ Ես չեմ ասի՝ ով է, թող իրենք ասեն։ Գործող պաշտոնյա է։ Ինձնից հետո ԱԱԾ բոլոր ղեկավարներն այդ կապը պահել են ու պահում են մինչ օրս»,- ընդգծել է Արթուր Վանեցյանը։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
«Հինգ շանտաժ-նախապայմանից երեքը գրեթե կատարված են». «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Ինչո՞ւ են իշխանությունները թիրախավորել դատավորին. «Փաստ»