Եվրոպա Լիգա․ Հայտնի է փլեյ-օֆֆի և լրացուցիչ փուլի 13 մասնակից

Այս շաբաթ կայացան Չեմպիոնների Լիգայի և Եվրոպա Լիգայի խմբային փուլի 5-րդ տուրի հանդիպումները, որոնց արդյունքներով որոշվեցին նաև Եվրոպա Լիգայի փլեյ-օֆֆի մի քանի մասնակիցներ։

Այսպիսով, այս պահի դրությամբ հայտնի են փլեյ-օֆֆի և լրացուցիչ փուլի 24 մասնակիցներից 13-ը։

ՉԼ-ում իրենց խմբերում երրորդ տեղն են ապահովել հետևյալ թիմերը․

«Շերիֆ» (Մոլդովա)
«Բորուսիա Դ․» (Գերմանիա)
«Զենիթ» (Ռուսաստան)

Նշենք, որ 1/8-րդ եզրափակչի ուղեգիր են ձեռք բերում խմբերում առաջին տեղերը զբաղեցրած թիմերը (8 թիմ), իսկ Չեմպիոնների լիգայից «Ժամանած» թիմերը և ԵԼ խմբային փուլում երկրորդ տեղերը զբաղեցրած թիմերը (16 թիմ) կբաժանվեն զույգերի և ևս մեկ լրացուցիչ փուլ կանցկացնեն՝ որոշելու 1/8 եզրափակչի մյուս 8 հաջողակներին։

Եվրոպա Լիգայի խմբային փուլի արդյունքներով փլեյ-օֆֆի և լրացուցիչ փուլի ուղեգիր են ձեռք բերել հետևյալ ակումբները։

«Լիոն», «Մոնակո» (Ֆրանսիա)
«Այնտրախտ», «Բայեր» (Գերմանիա)
«Վեստ Հեմ» (Անգլիա)
«Օլիմպիակոս» (Հունաստան)
«Գալաթասարայ» (Թուրքիա)
«Լացիո» (Իտալիա)
«Բետիս» (Իսպանիա)
«Ռեյնջերս» (Շոտլանդիա)

Այս պահի դրությամբ, ԵԼ խմբային փուլում առաջին տեղերն ապահովել են «Լիոնը», «Մոնակոն», «Վեստ Հեմը» և «Բայերը», որոնք արդեն ունեն ԵԼ փլեյ-օֆֆի 1/8 եզրափակչի ուղեգրեր։

Հիշեցնենք, որ Եվրոպա Լիգայի հաղթողը մյուս մրցաշրջանում ստանում է ՉԼ խմբային փուլի մասնակցության ավտոմատ հնարավորություն։