Ալիեւ. մենք հայկական կողմին առաջարկել ենք սկսել աշխատանքը խաղաղության պայմանագրի շուրջ
Սոչիում Ռուսաստանի նախագահ Վլադիմիր Պուտինի եւ Հայաստանի վարչապետ Նիկոլ Փաշինյանի հետ եռակողմ բանակցությունների ժամանակ Ադրբեջանի նախագահ Իլհամ Ալիեւն ասել է, որ Ադրբեջանը պատրաստ է սկսել Հայաստանի հետ սահմանի սահմանազատումը։
Նա հայտարարել է, որ Բաքուն պատրաստ է սկսել գործընթացը եւ բարձր է գնահատում այդ հարցում ռուսական կողմի աջակցությունը։
«Հայաստանի եւ Ադրբեջանի միջեւ սահմանները սահմանագծված չեն, ուստի մենք բազմիցս հրապարակավ հայտարարել ենք, որ պատրաստ ենք հրատապ սահմանազատման գործընթաց սկսել։ Ավելին, մենք նաեւ հրապարակավ առաջարկել ենք հայկական կողմին սկսել աշխատանքը խաղաղության պայմանագրի շուրջ՝ առճակատմանը վերջ դնելու համար եւ միմյանց տարածքային ամբողջականությունն ու ինքնիշխանությունը ճանաչելու համար։ Ապաշրջափակման թեման եռակողմ հայտարարության կետերից ամենակարեւորն է»,-ասել է Ալիեւը՝ հայտարարելով, որ ԼՂ-ում ռուս խաղաղապահների պատասխանատվության գոտում իրավիճակը կայուն է։
«Ընդհանուր առմամբ, ԼՂ-ում ռուս խաղաղապահների պատասխանատվության գոտում իրավիճակը կայուն է, չկան լուրջ միջադեպեր, միտումնավոր սադրանքներ։ Այն դեպքերը , որոնք գրանցվել են, համակարգային բնույթ են կրել։ Այդ կապակցությամբ կցանկանայի ռուսական խաղաղապահ զորախմբին շնորհակալություն հայտնել տարածաշրջանում անվտանգությունն ապահովելու համար, որը երկար տարիներ եղել է սառեցված հակամարտության վիճակում, իսկ անցած տարի՝ լայնամասշտաբ պատերազմի»,-հավելել է Ալիեւը։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Ինչո՞ւ են իշխանությունները թիրախավորել դատավորին. «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
«Հինգ շանտաժ-նախապայմանից երեքը գրեթե կատարված են». «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...