Այնթապի գյուղապետը, նրա եղբայրը և «Դավիթ Համբարձումյան» դաշինքի ևս 2 անդամներն ազատ են արձակվել

Այնթապի գյուղապետը՝ Կարեն Սարգսյանը, նրա եղբայրը եւ «Դավիթ Համբարձումյան» դաշինքի եւս 2  ոստիկանության բերման ենթարկված անդամները ազատ են արձակվել:

Այս մասին Այս մասին NEWS.am-ին հայտնեց բերման ենթարկվածների փաստաբան Արման Կարապետյանը: «3 ժամը լրանալուն պես նրանք ազատ են արձակվել: Քանի որ անանուն ահազանգի հիման վրա են բերման ենթարկվել կպարզեն, թե ով է ահազանգողը եւ հետագա ընթացք կտրվի:շ

Կարեն Սարգսյանը իր բացատրության մեջ էլ նշել է, որ նպատակը բերման ենթարկելու «Դավիթ Համբարձումյան» դաշինքը վարկաբեկելն է եւ ընտրություններին մասնակցելը խոչընդոտելը»,-ասաց նա: Ա վելի վաղ հայտնել էինք, որ «Դավիթ Համբարձումյան» դաշինքի 4 անդամ են բերման ենթարկվել, նրանցից երկուսը Այնթապի գյուղապետն ու իր եղբայրն էին: Նրանք բերման են ենթարկվել 11։30-ի սահմաններում ինչ-որ ահազանգի հիման վրա, որ իբրև տեղամասային կենտրոնում կամ դրան հարող տարածում բռնություն են գործադրել։