ՔՊ-ական պատգամավորները խաբել, ասել են՝ եկեք սուրճ խմելու, 20 հոգով հարձակվել են տղաների վրա․ Արամ Վարդևանյանը` ԱԺ-ի միջադեպի մասին
Այսօր՝ ժամը 14.00-14.30-ի սահմաններում, ԱԺ պատգամավորի օգնականներն ունեցել են վեճ «Քաղաքացիական պայմանագիր» խմբակցության երկու պատգամավորների հետ, որը, իմ տեղեկություններով, ամբողջությամբ հարթվել էր։ Այս մասին լրագրողների հետ ճեպազրույցի ընթացքում ասաց «Հայաստան» խմբակցության պատգամավոր Արամ Վարդևանյանը` անդրադառնալով ԱԺ-ում իշխանական պատգամավորների և «Հայաստան» խմբակցության ՀՅԴ-ական պատգամավորների երեք օգնականների միջև տեղի ունեցած միջադեպին։
«Իշխանական պատգամավորներից եղել են Սիսակ Գաբրիելյանը և Հրաչյա Հակոբյանը և այդ միջադեպը տեղում հարթվել է, ձեռք են սեղմել և անցել առաջ։ Դրանից կարճ ժամանակ անց մեր գործընկերներից Սևակին հրավիրում են սուրճ խմելու, նախնական տվյալներով, հրավիրողը Ռուբեն Ռուբինյանի աշխատակազմի ներկայացուցիչներից մեկն է եղել։ Սևակը, բնականաբար, արձագանքել է, հրավիրել են նաև Գերասիմին` ասելով, որ իրեն էլ են անպայման ուզում սուրճ հյուրասիրել։ Տղաներին այնուհետև միացել է Տարոնը։ Սուրճը, բնականաբար, չի եղել, քանի որ խոսքը գնում էր նախապես պլանավորված գործողության մասին։ Այդ երեքին հրավիրելուց հետո աշխատասենյակ են ներխուժել մոտ 20 հոգի, որոնց թվում պատգամավորներ և սկսել են հարվածել տղաներին։ Սրա անունը ի՞նչ դնել, եթե ոչ խուլիգանություն։ Նույն այն անձիք, որոնք խուլիգանական վարքագիծ էին դրսևորել ԱԺ նիստերի դահլիճում մի քանի ամիս առաջ, նույն ակտիվությունը ունեցել են այս անգամ»,– ասաց նա։
Արամ Վարդևանյան ընդգծեց, որ այդ դեպքը տեղի է ունեցել անվտանգության աշխատակիցների ներկայությամբ։ «Ինչպե՞ս կարող է պատգամավորը թույլ տալ իրեն պատգամավորի օգնականի նկատմամբ ֆիզիկական ուժ կիրառել։ Եթե գնում ենք դեպի խուլիգանապետության, եկեք դա էլ ֆիքսենք»,– ասաց նա։
Անդրադառնալով հարցին` ովքեր և ինչ մարմնական վնասվածքներ են ստացել միջադեպի արդյունքում, Վարդևանյանը նշեց. «Մարմնական վնասվածքներ կան, թե ինչ աստիճանի չեմ կարող ասել, դա դատաբժիշկը պետք է ասի։ Ես կարող եմ ասել, որ մեր տղաներից երեք հոգու խաբել են և կազմակերպված 20 հոգով հարձակվել են նրանց վրա։ Մարդկային և քաղաքական իմաստով ես սա չեմ կարող ընկալել։ Իրավական իմաստով կարող եմ ասել, որ սա նախապես ծրագրված, մի խումբ անձանց կողմից խուլիգանական արարք է»,– նշեց պատգամավորը։
Արամ Վարդանյանն ընդգծեց, որ անվտանգության աշխատակիցները ԱԺ-ում ունեն երկու գործառույթ` ԶԼՄ ներկայացուցիչներին հրահանգներ տալու և իշխանական պատգամավորների գործողությունների վրա աչք փակելու։
Վարդևանյանի խոսքով` նախնական վիճաբանությունը, ըստ իր ունեցած տեղեկությունների, սկսվել է պատգամավորների կողմից օգնականներին «արա» ռեպլիկով դիմելուց հետո։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Ինչո՞ւ են իշխանությունները թիրախավորել դատավորին. «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...