ս այսօր էլ եմ պատրաստ իմ որդուն հանձնել գերիների վերադարձի դիմաց․ Նիկոլ Փաշինյան
Ես այսօր էլ եմ պատրաստ իմ որդուն հանձնել գերիների վերադարձի դիմաց և դեռ նախընտրական քարոզարշավի ընթացքում միջնորդել եմ, որ ձեր քաղաքական ուժերն այդ հարցում որոշակի գործնական աջակցություն ցուցաբերեն, հիմա էլ եմ առաջարկում։
Tert.am-ի փոխանցմամբ՝ այս մասին ԱԺ-Կառավարություն հարցուպատասխանի ընթացքում հայտարարեց ՀՀ վարչապետ Նիկոլ Փաշինյանը՝ անդրադառնալով «Հայաստան» խմբակցության պատգամավոր Էլինար Վարդանյանի՝ գերիների վերադարձին առնչվող հարցին:
«Քարոզարշավի ժամանակ ասում էիք, որ Ձեզ համար բոլոր գերիները հավասար են, և պատրաստ եք Ձեր որդուն հանձնել գերիների փոխարեն, հետո ասում էիք, որ գերիները մեզ կներեն, եթե ևս երկու ամիս մնան գերու կարգավիճակում, հետո ասում էիք, որ դեռ պետք է քննել՝ գերի ընկելը հանցագործությու՞ն է, թե՞ ոչ:
Այժմ կողմնորոշվեք, դրսում կանգնած ծնողները սպասում են Ձեր պատասխանին՝ ի վերջո՝ ինչպիսի՞ն է Ձեր դիրքորոշումը գերիների վերաբերյալ, փակվա՞ծ է արդյոք այդ հարցը Ձեզ համար»,-հետաքրքրվեց պատգամավորը: «Այն ժամանակ մենք այդ հարցը պաշտոնական-ոչ պաշտոնական խողովակով արել ենք ադրբեջանական կողմին, ինչը, ցավոք, արձագանք չի գտել: Որ պահին արձագանք կգտնի, ուժի մեջ գտնվող է»,-ասաց Փաշինյանը: Նա վերահաստատեց՝ գերեվարման ամեն դեպք պետք է հետաքննվի:
«Կլինեն գերեվարման դեպքեր, երբ կոնկրետ քրեաիրավական հետևանք չի լինի, կլինեն դեպքեր, երբ կլինեն քրեաիրավական հետևանքներ»,- ասաց նա՝ նշելով, որ եթե «վերևից» եղել է հրաման, որ գերեվարված ադրբեջանցիներին բաց թողնեն, որ գերի հանձնվեն, այդպիսի հրաման տվողները կդատվեն, բայց դա իրականության հետ կապ չունի: Փաշինյանն ընդգծեց, թե ամեն օր աշխատանք է կատարվում գերիների վերադարձի համար:
Էլինար Վարդանյանն արձագանքեց՝ վարչապետը մեղադրում է 18-ամյա զինծառայողներին վախենալու, չկողմնորոշվելու մեջ, ապա հարցրեց. «Դուք նոյեմբերի 9-ից հետո որտե՞ղ էիք, կողմնորոշվե՞լ եք»,-ասաց նա: Փաշինյանը պատասխանեց, թե նոյեմբերի 9-ից հետո էլ, առաջ էլ եղել է իր պաշտոնավարման դիրքերում:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Ինչո՞ւ են իշխանությունները թիրախավորել դատավորին. «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...