Զելենսկին հայտարարել է, որ ագրեսիայից պաշտպանվող երկիրը զենքի իրավունք ունի
Ուկրաինայի նախագահ Վլադիմիր Զելենսկին հայտարարել է, որ ագրեսիայից պաշտպանվող ցանկացած երկիր զենք ձեռք բերելու իրավունք ունի։ Այս մասին նա ասել է իտալական La Repubblica թերթին։
Զելենսկու խոսքով՝ Ուկրաինայի սահմանի մոտ ռուսական զորքերի կուտակումն օգտագործվում է որպես արեւմտյան պետություններին շանտաժի ենթարկելու ներուժ։
«Բայց եթե ռուսական զորքերի քանակն ավելանա, շանտաժն ավելի կկոշտանա, ինչը կարելի է անվանել մեր պետության եւ, հնարավոր է, ամբողջ տարածաշրջանի դեմ ագրեսիայի ընդլայնման նախապատրաստում»,- ասել է նա։
Զելենսկին նաեւ հիշեցրել է, որ Գերմանիան խանգարել է ՆԱՏՕ-ի կողմից Ուկրաինային հակադրոնային հրացանների եւ հակադիպուկահար համակարգերի մատակարարմանը։
«Մի՞թե պատերազմի ութերորդ տարում մենք դրա իրավունքը չունենք։ Ակնհայտ է, որ ունենք։ Ցանկացած ժողովրդավարական պետություն, որն իրեն պաշտպանում է ագրեսիայից, պետք է նման պաշտպանական գործիքներ ձեռք բերելու իրավունք ունենա։ Բայց որոշ մայրաքաղաքներում դեռ վախն է տիրում»,- նշել է նա։
Ավելի վաղ գերմանական Bild հրատարակությունը հայտնել էր, որ Գերմանիայի նախկին կանցլեր Անգելա Մերկելն անձամբ է արգելափակել ՆԱՏՕ-ի շրջանակներում Ուկրաինային զենքի մատակարարումը։ Գերմանական վետոն արգելափակել է 90 խոշոր տրամաչափի Barrett M82 դիպուկահար հրացանները՝ ԱՄՆ-ից, եւ 20 հակադրոնային EDM4S-UA համակարգերը՝ Լիտվայից։
Ուկրաինան 2021 թվականի սկզբին ՆԱՏՕ-ի Աջակցության եւ մատակարարման գործակալության (NSPA) միջոցով արդեն վճարել է սպառազինության երկու համակարգերի համար եւ սպասում էր մատակարարմանը։ Սակայն մայիսին Գերմանիայի եւ Նիդեռլանդների ներկայացուցիչները NSPA-ի խորհրդում դեմ են արտահայտվել վաճառքին եւ արգելափակել են այն:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Ինչո՞ւ են իշխանությունները թիրախավորել դատավորին. «Փաստ»
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...