Պեսկովը՝ Պուտինի եւ Էրդողանի բարեկամական հարաբերությունների մասին
Թուրքիայի նախագահ Ռեջեփ Էրդողանը բարեկամական հարաբերություններ ունի Ռուսաստանի նախագահ Վլադիմիր Պուտինի հետ, ինչը թույլ է տալիս նույնիսկ ամենաբարդ տարաձայնությունների ժամանակ երկխոսություն վարել եւ հասնել խաղաղ կարգավորման։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ՌԻԱ Նովոստին։
«Նախագահ Էրդողանը, դուք գիտեք, որ բավական ջերմ հարաբերություններ ունի, կարելի է ասել նույնիսկ բարեկամական հարաբերություններ, նախագահ Պուտինի հետ, որոնք, չնայած տարաձայնությունների առկայությանը, թույլ են տալիս նրանց հանդիպել նույնիսկ ամենասուր պահերին եւ լուծել ամենադժվար խնդիրները»,-ասել է նա RTVI հեռուստաալիքի եթերում
Նա ընդգծել է, որ չնայած որոշակի հակասությունների առկայությանը՝ Թուրքիան «Ռուսաստանի շատ կարեւոր հարեւանն է», շատ կարեւոր խոշոր նախագծերի գործընկերը եւ վիզավի տարածաշրջանային բազմաթիվ հակամարտությունների կարգավորման գործընթացում։
«Ռուսաստանի եւ Թուրքիայի միջեւ տնտեսական փոխգործակցության, տնտեսական համագործակցության մակարդակը շատ լավ ապահովագրություն է քաղաքական ցնցումներից։ Եվ քանի որ մարդիկ շահագրգռված են, որպեսզի երկկողմ հարաբերությունները չխարխլվեն, դա ամրացնող օղակ է»,-ասել է Պեսկովը:
Նա նշել է, որ մի շարք ոլորտներում Թուրքիան զարգացրել է համաշխարհային մրցունակ ընկերություններ, որոնք տեղ են գրավում շուկայում։ «Եվ, իհարկե, տնտեսական էքսպանսիան այս կամ այն կերպ ազդում է քաղաքական հարաբերությունների մակարդակի վրա»,-ընդգծել է նա։ «Մենք շփվում ենք Սիրիայի հարցով, սա բարդ փոխգործակցություն է, երբեմն՝ շատ բարդ։ Այնուամենայնիվ, ամեն անգամ մեզ հաջողվում է գտնել փոխադարձ ընդունելի լուծում»,-ասել է Պեսկովը։
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Դոլարն էժանացել է, ռուբլին՝ թանկացել․ փոխարժեքն՝ այսօր
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Հրաժարվում եմ տիրադավ եպիսկոպոսներից և անմնացորդ զավակն եմ Ամենայն Հայոց Հայրապետին
Երբ դիակները թափված էին գետնին, նախարարը հրաժարական չտվեց, հիմա արժեքներից է խոսում. «Ժողովուրդ»
Ինչին չդիմացավ ԱԱԾ նախկին տնօրեն Գեորգի Կուտոյանը․ ինքնասպանությունից 6 տարի անց․ «Ժողովուրդ»
Մոսկվան պատրաստ է 1 միլիարդ դոլար նվիրաբերել Խաղաղության խորհրդին սառեցված միջոցներից. Պուտին
Թունավորվել են ոչ թե սննդից, այլ... շմոլ գազից. «Փաստ»
Էլեկտրաէներգիայի անջատումներ են սպասվում