Վստահեցնում եմ, որ գալիք տարում Աբովյան բազմաբնակավայր համայնքը ամենահզոր ու մրցունակ համայնքն է լինելու. Էդուարդ Բաբայան

Էդուարդ Բաբայանը ֆեյսբուքյան իր էջում գրում է.

Սիրելի՛ հայրենակիցներ, սիրելի՛ աբովյանցիներ,

Սիրով շնորհավորում եմ Ձեզ Ամանորի և Սուրբ Ծննդյան տոների առթիվ: Ամանորը ընտանեկան և մեր բոլորի համար ամենասպասված տոնն է: Աբովյան համայնքն էլ մեր բոլորի մեծ ընտանիքն է, որի խնդիրներով ապրում, իսկ հաջողություններով ուրախանում ենք:

Անցնող տարում ազդարարեցինք նոր սկիզբ և նոր համայնք և վստահեցնում եմ, որ գալիք տարում Աբովյան բազմաբնակավայր համայնքը ամենահզոր ու մրցունակ համայնքն է լինելու:

Նոր տարին իր հետ կբերի նաև նոր մարտահրավերներ, որոնք, համոզված եղեք, կլինեն մեր ուշադրության կենտրոնում և կստանան իրենց լուծումները:

Գալիք տարում բոլորիդ մաղթում եմ անսահման համբերություն, սեր, հավատ, բարություն ու նվիրում, հանդուրժողականություն և ներողամտություն միմյանց նկատմամբ: Նոր տարում համայնքում դեռևս չլուծված խնդիրները միասին ենք լուծելու, միասին ենք հաղթահարելու:

Թո՛ղ գալիք տարին լինի խաղաղության, առողջության և բարեկեցության տարի:

Թո՛ղ հայի տան ճրագը միշտ վառ լինի, իսկ ապագան՝ հուսալի:

Ի սրտե շնորհավորում եմ այս պահին սահմանը հսկող մեր տղաներին Աստծո օրհնությունը նրանցից անպակաս լինի և նրանց հեռու պահի ամեն տեսակի վտանգներից ու փորձություններից: Թող խաղաղություն թևածի մեր երկրում ու յուրաքանչյուր ընտանիքում:

Շնորհավո՛ր Ամանոր և Սուրբ Ծնունդ: