Նիկոլ, մի փոքր շանս ունենք պետություն դառնալու, այն էլ փակում ես քո այս որոշմամբ. Դավիթ Սանասարյան

Մարդուն հրավիրում են ժողովրդավարական ու քաղաքակիրթ երկրների սեղան, ասում են քո ժողովուրդն այս ընտանիքին է պատկանում, հագնում է այդ տարածքին համապատասխան շորերն ու գլորվում ռուս-թյուրքական խալի։

Այս մասին ֆեյսբուքյան իր էջում գրել է «Ինքնիշխան Հայաստան» կուսակցության ղեկավար Դավիթ Սանասարյանը։ «Նիկո՛լ, մի փոքր շանս ունենք պետություն դառնալու, այն էլ փակում ես քո այս որոշմամբ։ Լավ ա՞յս աստիճան չեք պատկերացնում աշխարհի հնարավոր զարգացումների մասին։

Դեռ չեմ ասում, որ վաղը եթե Ադրբեջանը ագրեսիա իրականացնի Հայաստանի նկատմամբ, նաեւ Հայաստանի օգնությամբ իշխանություն պահած Ղազախստանն էլի աջակցելու է Ադրբեջանին ու այդ ժամանակ քաղաքակիրթ աշխարհից էլ աջակցություն չակնկալեք»,- գրել է նա։