«Հայաստանի հրաժարվելը կամ չմասնակցելը կարող էր վնասել հայկական շահերին».Գարիկ Քեռյան
Հավաքական անվտանգության պայմանագրի կազմակերպության (ՀԱՊԿ) խաղաղապահ ուժերը մեկնել են Ղազախստան: ՀԱՊԿ խաղաղապահ ուժերի կազմում են ռուսական օդադեսանտային ուժերը, որոնց հիմնական գործառույթն է լինելու պահպանել պետական ու ռազմական օբյեկտները, նպաստել երկրում կայունության հաստատմանը: ՀԱՊԿ առաջապահ ուժերը արդեն իսկ անցել են իրենց պարտավորությունների իրականացմանը: Ղազախստան ուղարկված ՀԱՊԿ խաղաղապահ ստորաբաժանման կազմում են ՌԴ-ն, Հայաստանը, Բելառուսը, Տաջիկստանը և Ղրղզստանը ներկայացնող ուժերը:
Այս թեմայի շուրջ Past.am կայքը զրուցել է քաղաքագետ Գարիկ Քեռյանի հետ։
Անդրադառնալով ՀԱՊԿ-ի որոշմանը և Հայաստանյան արձագանքին` քաղաքագետն ասաց․ «Այս որոշումը հայ հանրության կողմից միանշանակ չընդունվեց։ Մենք հիմա տեսնում ենք հանրային քննարկումները սոցիալական ցանցերում, որտեղ քննադատվում է այն քայլը այն առումով, որ ժամանակին Ղազախստանը Արցախյան 44 օրյա պատերազմից հետո շնորհավորել էր Ադրբեջանին, այդ ընթացքում Ղազախստանը ադրբեջանական դիրքորոշում է ունեցել, 44 օրյա պատերազմի ժամանակ ՀԱՊԿ-ը չի արձագանքել և չի օգնել։ Այս բոլորը այնքան բացասական էմոցյաներ են կուտակել մեր հանրության շրջանում, որ այսօր երբ ՀԱՊԿ-ը որոշել է զինված ուժեր ուղարկել Ղազախստան Հայ հասարակության մեջ քննադատողներն ու վրդովված մարդիկ շատ են։ Իհարկե այստեղ որոշ չափով կա ճշմարտություն, և դժգոհությունը ՀԱՊԿ-ից, ինչպես նաև նախկինում Ղազախստանի և հատկապես Նորսուլթան Նազարբաևի Ղարաբաղյան հակամարտության վերաբերյալ ունեցած դիրքորոշումից անշուշտ, տեղին է։ Բայց այստեղ կարևոր է հասկանալ, որ ՀԱՊԿ-ում որոշում ընդունողը Ռուսաստանն է, և իրականում Ռուսաստանը Հայաստանի թիվ մեկ ռազմաքաղաքական դաշնակիցն է, Հայաստանի և Արցախի անվտանգության երաշխավորն է, և հիմա եթե Ռուսաստանին պետք է, որ ՀԱՊԿ-ը այդ ուժերն ուղարկի Ղազախստան և այնտեղ պահպանի պրոռուսական վարչակարգը, Հայաստանի հրաժարվելը կամ չմասնակցելը կարող էր վնասել հայկական շահերին և կարող էր վատ ընդունվել Մոսկվայի կողմից։ Այդ պատճառով հայ հասարակության գոհ կամ դժգոհ լինելը մեզ համար նշանակություն չունի և մենք դրա վրա չպետք է կենտրոնանանք։ Այլ մենք ավելի շատ պետք է կենտրոնանանք այն հանգամանքի վրա, որ մենք ամեն դեպքում պետք է գործենք համահունչ ռուսական պետական բարձրագույն ղեկավարության ձգտումների և նրանց քայլերին, որովհետև Հայաստանի ներկա ռազմաքաղաքական վիճակը և կիսապատերազմական վիճակը մեզ համար բավականին պայթյունավտանգ իրավիճակ է ստեղծվել այս ամենով և մենք պետք է պահպանենք անդամակցությունը ՀԱՊԿ-ին և նրանց կոլեկտիվ գործողություններին չհակառակվելով ռուսական շահերին, և այս ամենը մենք ոչ թե պետք է գնահատենք բարոյականության տեսակետից այլ իրատեսական անվտանգային քաղաքականության շահերից»։
Սոնա Գիշյան
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Տեր ենք կանգնելու մեր ընտրական իրավունքին. արտերկրում ապրող ՀՀ քաղաքացիներ
Ինչո՞ւ են իշխանությունները թիրախավորել դատավորին. «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...