Փաշինյանը հայտարարում է՝ ՀՀ-ում կարելի է կազմակերպել զինված խռովություններ, բայց այ Ղազախստանում չի կարելի. Ալումյան

Ըստ պարոն Փաշինյանի՝ Հայաստանում չեն կարող զորքերն օգտագործվել՝ Հայաստանի ներսում զինված խռովությունները ճնշելու համար, բայց կարող են օգտագործվել Ղազախստանում։ Այս մասին այսօր՝ հունվարի 10-ին, դատական նիստից հետո՝ լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի շահերի ներկայացուցիչ, փաստաբան Հայկ Ալումյանը՝ անդրադառնալով այն քննարկումներին, Ղազախստան հայ զինծառայողներ ուղարկելու որոշումից վարչապետ Փաշինյանը պետք է ներողություն խնդրի Մարտի 1-ի գործով անցնող Ռոբերտ Քոչարյանից, Յուրի Խաչատուրովից, Սեյրան Օհանյանից, քանի որ զանգվածային անկարգությունների գործով նրանց գործողություներն են վիճարկվում, մինչդեռ ինքը նույնն է անում՝ զորք է ուղարկում Ղազախստան՝ ցուցարարներին ցրելու համար:

«Պարոն Փաշինյանը միշտ պնդել է, որ զորքը չի կարող օգտագործվել ներքին զինված խռովությունները ճնշելու համար: Բայց նույն պարոն Փաշինյանն իր գործողություններով, ըստ էության, ասում է, որ կարելի է Ղազախստանում Հայաստանի զորքերն օգտագործել՝ ներքին խռովությունները ճնշելու համար:: Եվ երկրորդը՝ պարոն Փաշինյանը, ըստ էության հայտարարում է, որ Հայաստանում կարելի է կազմակերպել զինված խռովություններ, ինչը իր կողմից արվեց 2008-ի Մարտի 1-ին, բայց այ Ղազախստանում չի կարելի, դե հիմա եկեք տրամաբանությունը հասկացեք: Զուտ իրավաբանական տրամաբանությունը այս ամեն ինչի ինձ համար գաղտնիք է»,- պատասխանեց Ալումյանը։