«Շնորհավորում եմ Անահիտ Ավանեսյանին. սանձարձակ գործողություններ են իրականացնում». Աշոտ Բարսեղյան
«Ռեստորանների ասոցիացիա» ՀԿ-ի նախագահ Աշոտ Բարսեղյանի կարծիքով՝ Առողջապահության նախարարությունը ոչ ոքի չի լսում, բացի Առողջապահության համաշխարհային կազմակերպությունից (ԱՀԿ):
Հրապարակվել է ՀՀ առողջապահության նախարարի թիվ 02-Ն հրամանը՝ ՀՀ առողջապահության նախարարի 2020 թվականի օգոստոսի 4-ի թիվ 17-ն հրամանում փոփոխություններ և լրացումներ կատարելու մասին, ըստ որի՝ հյուրանոցների, հանրային սննդի օբյեկտների, մարզասրահների հաճախորդները, գրադարանների, թանգարանների այցելուները, թատերահամերգային, կինոյի և այլ մշակութային գործունեություն իրականացնող կազմակերպությունների հանդիսատեսները տվյալ վայր մուտք գործելիս պետք է ներկայացնեն կա՛մ թեստավորման, կա՛մ պատվաստման սերտիֆիկատ՝ բջջային հավելվածի արագ արձագանքման ծածկագրի (QR կոդ) միջոցով կամ բջջային հավելվածից արտածված թղթային տարբերակով։ Տվյալ պահանջը չի վերաբերում հղիներին, բացարձակ հակացուցում ունեցողներին և նախկինում կորոնավիրուսային հիվանդությամբ (COVID-19) հիվանդացածներին, որոնք ունեն մինչև 90 օրվա վաղեմության ՊՇՌ հետազոտության դրական արդյունք։
Աշոտ Բարսեղյանի խոսքով՝ Առողջապահության նախարարությունն անցել է թույլատրելի բոլոր սահմանները.
«Իրենք սանձարձակ գործողություններ են իրականացնում, օրինակ՝ կամայական սահմանափակումներ մտցնելով: Եթե խոսում ենք սահմանափակումներից, ես ակնկալում եմ, որ ինձ հակադարձելու են՝ ասելով՝ այ, օրինակ, Ֆրանսիայում, Եվրոպայում: Այսինքն՝ եթե Եվրոպան որոշել է, որ պետք է սպանի հասարակական սննդի ոլորտը, ապա ես չեմ հասկանում՝ ինչո՞ւ մենք պետք է հետևենք այդ վատ օրինակին: Պետք չի բերել ուրիշ երկրների օրինակներ, եթե մեկը որոշել է, որ պետք է սպանի ինչ-որ բնագավառ, ապա մենք չպետք է դրան կույր հետևենք, առավել ևս՝ մեզ որևէ միջազգային կառույց չպետք է հրահանգ տա, թե ինչպես մենք վարվենք մեր տնտեսության հետ, մեր ծխախոտագործության, գինեգործության ընկերությունների հետ, ինչպես պետք է վարվենք հասարակական սննդի հետ: Հասարակական սննդի և հյուրընկալության ոլորտը գերակա է ճանաչվել ՀՀ-ում դեռ շատ վաղուց: Այս բնագավառը մինչև 1 մլրդ դոլար շրջանառության հնարավորություն ունի, որն իրականում շատ մեծ է»:
Հունվարի 1-ից Հայաստանում օրենքով արգելվել է ծխախոտների կամ դրանց փոխարինիչների հրապարակային ցուցադրումը վաճառասրահներում և հանրային սննդի օբյեկտներում։ Մարտի 15-ից էլ ուժի մեջ կմտնի բաց և փակ ռեստորաններում, բարերում, սննդի այլ կետերում, հյուրանոցներում, առևտրի կենտրոններում, աշխատանքային այլ փակ տարածքներում բոլոր տեսակի ծխախոտային արտադրատեսակների օգտագործման արգելքը։
Աշոտ Բարսեղյանը չի զարմանա, որ ԱՀԿ-ն ասի՝ մարիխուանա սկսեք օգտագործել. «Այս ամենը բոլոր երկրներում դրան է տանում՝ ինչքան սահմանափակում են ծխախոտային ինդուստրիան, այդքան աճում է մարիխուանան: Աբսուրդն այն է, որ, օրինակ՝ ԱՄՆ-ում ազատ վաճառում են մարիխուանա, և տակից վաճառում են ծխախոտ: Ինքներդ գիտեք՝ որի վնասն է ավելի մեծ մարդու համար»:
Մանրամասները՝ 168TV-ի տեսանյութում։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Տեր ենք կանգնելու մեր ընտրական իրավունքին. արտերկրում ապրող ՀՀ քաղաքացիներ
Ինչո՞ւ են իշխանությունները թիրախավորել դատավորին. «Փաստ»
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...