Առողջապահական տեսանկյունից իմաստ ունի՞ հունիսը «տեղափոխել» հունվար. «Փաստ»
«Փաստ» օրաթերթը գրում է
Դեկտեմբերի վերջին և այս տարվա սկզբից ի վեր, ինչպես գրեթե միշտ, նկատվում է վերին շնչառական ուղիների վիրուսային հիվանդությունների աճ: Ի դեպ, խոսակցություններ կային, որ դպրոցական ձմեռային արձակուրդները գուցե երկարաձգվեն, սակայն դասերն սկսվեցին հունվարի 10-ին, ինչպես և նախատեսված էին: Վերջին շրջանում գնալով ավելի հաճախ են դառնում խոսակցությունները, որ գուցե նպատակահարմար է արձակուրդների «տեղաշարժ» կատարել, մասնավորաբար դասապրոցեսը կազմակերպել հունիսին և ամառային արձակուրդը դարձնել երկու ամիս, փոխարենը մեկ ամիս հանգստանալու հնարավորություն տալ հունվարին:
Թեմայի հետ կապված «Փաստը» պատրաստվում է ներկայացնել տարբեր ոլորտների մասնագետների տեսակետը: Առողջապահական տեսանկյունից հարցը քննարկել ենք թերապևտ, «Ներքին հիվանդությունների բժշկության հայկական ասոցիացիայի» նախագահ Լամարա Մանուկյանի հետ: Տիկին Մանուկյանը համաձայն չէ նման առաջարկին:
«Վերին շնչառական ուղիների վիրուսային հիվանդությունները հակված են շատանալու աշնանը և գարնանը: Հունվարին շնչառական վիրուսների տարածումը կապված է տոնական օրերի հետ: Մարդիկ սկսում են իրար տուն այցելել: Եթե ուսումնական գործընթացը հունվարից տեղափոխենք հունիս ամիս, դրանով ոչինչ չի փոխվելու: Վերին շնչառական վարակների դեպքում հունվար և դեկտեմբեր ամիսներին պիկ չէ: Այնպես որ, հակված չեմ այն մտքին, որ եթե դպրոցականներն ու ուսանողները հունվարին մնան տանը, և դասապրոցեսը փետրվարից սկսվի, դրանով կնվազեցնենք գրիպի տարածումը: Եթե անընդհատ ինչ-որ սահմանափակումներ մտցնենք, կաթվածահար կանենք դասապրոցեսը, իսկ դա անդրադառնում է երեխաների վրա:
Իմ կարծիքով, ուսումնական տարվա ընթացքում մեկ ամիս դադարը շատ է, բացի դա, կրկնեմ, շնչառական վարակների համար դրանք տիպիկ ամիսներ չեն»,«Փաստի» հետ զրույցում ասաց տիկին Մանուկյանը:
Մանրամասները՝ «Փաստ» օրաթերթի այսօրվա համարում
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ