Իշխանության ներկայացուցիչները չեն բարձրաձայնում, որ ՌԴ-ն մեր ռազմավարական դաշնակիցն է, բայց գնում են Ռուսաստան և, Փաշինյանի բառապաշարով ասեմ, «կոշիկ են լիզում»․ Վանեցյան
«Крым наш» արտահայտությունը իշխանությունները շատ «գեղեցիկ» ձևով մանիպուլացրին, ռուս հեռուստամեկնաբան Վլադիմիր Սոլովյովին տված հարցազրույցներից մեկում իր հնչեցրած արտահայտությունը մեկնաբանելիս 24 TV-ի «Մերձքաղաքական զրույց» հաղորդման շրջանակում ասել է ԱԺ «Պատիվ ունեմ» խմբակցության ղեկավար Արթուր Վանեցյանը:
Նա ներկայացրել է իր դիրքորոշումը՝ Արցախի ինքնորոշման իրավունքի իրացման համար պայքարողը չի կարող դեմ լինել Ղրիմում բնակվող ժողովրդի ինքնորոշման իրավունքի իրացմանը։
«Մենք ունենք Արցախի հարց։ 30 տարի պայքարել ենք Արցախի ժողովրդի ինքնորոշման իրավունքն իրացնելու համար։ Բայց դնենք ամեն ինչ մի կողմ․ ռեֆերենդում է անցկացվել, որի արդյունքում Ղրիմի բնակչության 90 տոկոսից ավելին իր ցանկությունն է հայտնել միավորվել ՌԴ հետ։ Շատ լավ հասկանում եմ՝ ինչ է գեոպոլիտիկան, ինչ է մեծ քաղաքականությունը, բայց եթե մենք ուզում ենք, որպեսզի իրացվի Արցախի ժողովրդի ինքնորոշման իրավունքը, իրավունք ունե՞նք դեմ խոսելու Ղրիմում բնակվող ժողովրդի ինքնորոշման իրացման դեմ», - ասել է Արթուր Վանեցյանը։
Նա նաև նշել է՝ Հայաստանի հասարակությունը մեծ ակնկալիքներ ունի ռազմավարական դաշնակցից, սակայն կարևոր է փոխադարձության սկզբունքը։
«Մեծից փոքր պահանջում են, որ Ռուսաստանի Դաշնությունը մեզ զենք պետք է տա, պետք է պաշտպանի, տնտեսապես օգնի, մեր ապրանքները պետք է անարգել գնան Ռուսաստան, վաճառվեն և այլն։ Իսկ մենք ի՞նչ պետք է անենք, եթե 44-օրյա պատերազմի ժամանակ, բացի Ռուսաստանից, որևէ այլ պետություն, բացառությամբ Ֆրանսիայի մեկ-երկու հայտարարության, մեր կողքին չկանգնեց։ Պատերազմից հետո Արցախի բնակչության անվտանգությունն ապահովում են ռուս խաղաղապահները, մեր սահմանները պահում են ռուսները», - ասել է Արթուր Վանեցյանը։
Նա հավելել է, որ Հայաստանի ինքնիշխանությունն ու անկախությունն իր համար անսակարկելի արժեքներ են, բայց գտնում է նաև, որ Ռուսաստանի հետ լավ հարաբերությունների մասին խոսելն ամոթ չէ․ չպետք է մոռանալ, որ Հայաստանի ռազմավարական դաշնակիցը Ռուսաստանն է։
«Իսկ այն մարդիկ, որոնք չեն բարձրաձայնում դրա մասին, խոսքս հենց գործող իշխանությունների մասին է, բայց գնում են Ռուսաստան և ամենափոքր չինովնիկից մինչև ամենաբարձր չինովնիկ, որտեղ կարողանում են հասնել, Նիկոլ Փաշինյանի բառապաշարով արտահայտվեմ՝ կոշիկ են լիզում, իսկ երբ գալիս են այստեղ, ասում են՝ մե՛նք, մե՛նք ․․․ Եկեք ազնիվ լինենք և չամաչենք խոսել այն ամենի մասին, ինչի մասին խոսում ենք փակ սենյակներում, ոչ հրապարակային», - շեշտել է Արթուր Վանեցյանը։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Ինչո՞ւ են իշխանությունները թիրախավորել դատավորին. «Փաստ»
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն