«Պատիվ ունեմ»-ն ու «Հայաստան»-ն ԱԺ քննիչ հանձնաժողովի ստեղծման վերաբերյալ համատեղ հայտարարությամբ են հանդես գալու
Այդ գործընթացը պայմանավորված է բացառապես օրվա քաղաքական իշխանություններին մաքրազերծելու եւ մեղավորներ նշանակելու ցանկությամբ։ Այս մասին NEWS.am-ի հետ զրույցում հայտնեց ԱԺ «Պատիվ ունեմ» խմբակցության քարտուղար Հայկ Մամիջանյանը՝ անդրադառնալով ՔՊ-ի նախաձեռնությամբ Արցախյան 44-օրյա պատերազմի հանգամանքներն ուսումնասիրող ԱԺ քննիչ հանձնաժողովի ստեղծմանն ու դրան իրենց հնարավոր մասնակցությանը։
«Քննիչ հանձնաժողովները ողջ աշխարհում եւ մեր օրենսդրական տրամաբանությամբ ընդդիմության գործիքներ են։ Հաշվի առնելով այն, որ օրվա իշխանությունն ունի պատերազմի ժամանակ տեղի ունեցած խախտումները բացահայտելու բոլոր գործիքները, ուստի, հանձնաժողովի ստեղծումը մեկ նպատակ ունի՝ մաքրազերծելու կապիտուլյանտների խունտան։ Դրան մասնակցելու ցանկություն չունենք»,- ասաց Մամիջանյանը՝ տեղեկացնելով, որ վաղը «Հայաստան» խմբակցության հետ համատեղ հայտարարությամբ են հանդես գալու։
«Հայաստան» խմբակցության պատգամավոր Ագնեսա Խամոյանը NEWS.am-ի հետ զրույցում եւս հայտնեց, որ վաղը ընդդիմադիր խմբակցությունները այս հարցի վերաբերյալ համատեղ հայտարարությամբ են հանդես գալու։
Հիշեցնենք, որ այսօր ԱԺ «Քաղաքացիական պայմանագիր» խմբակցության նախաձեռնությամբ 2020 թվականի սեպտեմբերի 27-ին սանձազերծված ռազմական գործողությունների հանգամանքների ուսումնասիրման նպատակով իրավունքի ուժով ստեղծվել է Ազգային ժողովի քննիչ հանձնաժողով, որի լիազորությունները կիրականացնի Պաշտպանության եւ անվտանգության հարցերի մշտական հանձնաժողովը։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Ինչո՞ւ են իշխանությունները թիրախավորել դատավորին. «Փաստ»
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...