Զելենսկին խոսել է Ռուսաստանի Դաշնություն հնարավոր ներխուժման մասին
Ուկրաինայի նախագահ Վլադիմիր Զելենսկին հայտարարել է, որ Ուկրաինայում խուճապը թշնամու լավագույն ընկերն է։ Այսպես է նա շաբաթ օրը՝ փետրվարի 12-ին, Խերսոնի մարզում կայացած ճեպազրույցի ժամանակ մեկնաբանել Ռուսաստանի Դաշնության` արդեն հաջորդ շաբաթ հնարավոր ներխուժման մասին տեղեկությունը, որը նախօրեին հրապարակվել էր համաշխարհային լրատվամիջոցների կողմից՝ ամերիկյան հետախուզության տվյալների վրա հղումով։ Այս մասին հաղորդում է Korrespondent.net-ը:
Զելենսկին ընդգծել է, որ տեղեկատվական տարածքում այս մասին չափազանց շատ նորություններ կան։
«Մենք պետք է պատրաստ լինենք ցանկացած օր: Ես կարծում եմ, որ ցանցում չափազանց շատ տեղեկատվություն կա Ռուսաստանի Դաշնության հետ լայնամասշտաբ պատերազմի մասին, նույնիսկ ասում են, որ կան համապատասխան տվյալներ: Մենք հասկանում ենք, որ կան ռիսկեր: Եթե 16-ին ներխուժման մասին 100 տոկոսանոց տեղեկություն կա, ապա մեզ տվեք այս տեղեկությունը։ Մենք տեղեկություն ենք ստանում մեր հետախուզությունից»,- ասել է նա։
ԱՄՆ-ից և գործընկերներից ստացվող տեղեկատվության վերաբերյալ Զելենսկին ասել է, որ Ուկրաինան դա հաշվի է առնում։
«Բայց մենք պետք է հստակ վերլուծենք դա և պատրաստվենք ցանկացած ռիսկի»,- հավելել է նա։
«Եվ ես պետք է խոսեմ հանրության հետ՝ ունենալով իրական տեղեկություն: Մենք տեղեկություն ենք ստանում բազմաթիվ աղբյուրներից: Մենք նաև հետախուզություն ունենք: Չեմ կարծում, որ այն ավելի վատ է աշխատում, քան այլ պետությունների հետախուզությունը», - ասել է Զելենսկին:
Նա նաև նշել է, որ հնարավոր ներխուժման մասին տեղեկությունը կարող է խուճապ առաջացնել երկրում և ոչ մի կերպ չի օգնում Ուկրաինային։ Իսկ խուճապը, նրա խոսքով, թշնամու լավագույն ընկերն է։
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Ինչո՞ւ են իշխանությունները թիրախավորել դատավորին. «Փաստ»
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...