«Չելսին»՝ աշխարհի ակումբային չեմպիոն

Եվրոպական Չեմպիոնների լիգայի գավաթակիր Լոնդոնի «Չելսին» առաջին անգամ նվաճեց աշխարհի ակումբային չեմպիոնի տիտղոսը։

Աբու Դաբիում տեղի ունեցած եզրափակիչում գերմանացի Թոմաս Տուխելի գլխավորած թիմը լրացուցիչ ժամանակում առավելության հասավ Լիբերտադորեսի գավաթակիր, բրազիլական «Պալմեյրասի» նկատմամբ։

«Չելսիից» աչքի ընկան բելգիացի հարձակվող Ռոմելու Լուկակուն եւ գերմանացի կիսապաշտպան Կայ Հավերցը։

Երրորդ տեղի համար խաղում Եգիպտոսի «Ալ Ահլին» 4։0 հաշվով հաղթեց Սաուդյան Արաբիայի «Ալ Հիլալին»։

Աշխարհի ակումբային առաջնություն, եզրափակիչ

«Չելսի» - «Պալմեյրաս»՝ 2։1 (հիմնական ժամանակ՝ 1։1)

Ռոմելու Լուկակու, 55, Կայ Հավերց, 117, 11մ - Ռաֆայել Վեյգա 64