Սպորտային մարմնամարզության Հայաստանի չեմպիոնները (ֆոտո)

Հայտնի են սպորտային մարմնամարզության մեծահասակների Հայաստանի առաջնության հաղթողներն ու մեդալակիրները։ Փետրվարի 16-17-ը տեղի ունեցած առաջնությունում մասնակցել է 28 տղա,  18 աղջիկ։ Տղամարդկանց մրցումներն անցկացվեցին Երեւանի Ալբերտ Ազարյանի անվան մարզադպրոցում, իսկ աղջիկները՝ Հրանտ Շահինյանի անվան մարզադպրոցում։

Փետրվարի 17-ին տեղի ունեցավ առանձին գործիքների մրցաշարը։

Տղամարդկանց պայքարում առանձին գործիքներում գերակայությունը  Տոկիոյի Օլիմպիական խաղերի բրոնզե մեդալակիր Արթուր Դավթյանինն էր։ Եվրոպայի չեմպիոնը հավասարը չունեցավ 4 առանձին գործիքներում։

Ազատ վարժություններ - Արթուր Դավթյան (13.633),

նժույգ թափեր - Հարություն Մերդինյան (14.825),

օղակներ- Վահագն  (14.85),

հենացատկ - Արթույր Դավթյան (14.5),

զուգափայտ- Արթուր Դավթյան (13.75),

պտտաձող- Արթուր Դավթյան (13.5)։

Աղջիկների պայքարում հաղթողներ ճանաչվեցին՝

հենացատկ- Մարիետա Բուչախչյան ( 12.95)

տարբեր բարձրությունների զուգափայտեր- Մանե Պողոսյան (10.9)

հավասարակշռության գերան- Աննա Մանթաշյան (12.5)

Ազատ վարժություններ- Մանե Պողոսյան (12.9)

Ավելի վաղ առաջին մրցումային օրն որոշվել էին բազմամարտի հաղթողները։ Տղամարդկանց պայքարում 80,7 միավորով չեմպիոնի կոչումը նվաճել էր  Արթուր Դավթյանը, կանանց պայքարում՝ Մանե Պողոսյանը (49, 86):