FIDE Grand Prix. Արոնյանը պարտություն կրեց թայ-բրեյքում

Ամերիկացի Հիկարու Նակամուրայի հաղթանակով Բեռլինում ավարտվեց FIDE Grand Prix շարքի առաջին մրցաշարը։ Եզրափակիչում ԱՄՆ-ն ներկայացնող Լեւոն Արոնյանը Հիկարու Նակամուրային պարտվեց թայ-բրեյքի երկու պարտիայում՝ 0։2։ Նախորդ օրը եզրափակիչի առաջին երկու պարտիաներն ավարտվել էին ոչ ոքի։

FIDE Grand Prix շարքն աշխարհի չեմպիոնի հավակնորդների մրցաշարի ուղեգիր նվաճելու վերջին հնարավորությունն է։ Կվիճարկվի երկու ուղեգիր։ Յուրաքանչյուր շախմատիստ կմասնակցի շարքի երեք մրցաշարից երկուսին։ Մրցաշարի հաղթողը ստանում է 13 միավոր, եզրափակիչում պարտվածը՝ 10 միավոր, կիսաեզրափակիչում պարտվածները՝ 7-ական միավոր։