«Բարսելոնան» պատրաստ է Դեստին վաճառել «Ռոմային»

Իտալական «Ռոման» մտադիր է ձեռք բերել «Բարսելոնայի» պաշտպան Սերժինյո Դեստին, հաղորդում է Corriere dello Sport-ը։ Կատալոնական ակումբը պատրաստ է 20 միլիոն եվրոյով վաճառել ԱՄՆ-ի հավաքականի 21-ամյա ֆուտբոլիստին, որը դեմ չէ կարիերան շարունակել «Ռոմայում»։ Դեստին գնելու ցանկություն ունի նաեւ «Մոնակոն»։

Դեստը 2020թ. հոկտեմբերին Ամստերդամի «Այաքսից» է 21 միլիոն եվրոյի դիմաց տեղափոխվել «Բարսելոնա»։ Նրա պայմանագիրը նախատեսված է մինչեւ 2025թ. հունիս։

Transfermarkt-ը Դեստի տրանսֆերային արժեքը գնահատում է 18 միլիոն եվրո։ Իսպանիայի ընթացիկ առաջնությունում Դեստը մասնակցել է 16 հանդիպման, կատարել 3 գոլային փոխանցում։