«Միլանի» կիսապաշտպանը անվճար կմիանա «Բարսելոնային»

«Բարսելոնան» համաձայնության է հասել իտալական «Միլանի» կիսապաշտպան Ֆրանկ Կեսիեի հետ։ 25-ամյա կոտդիվուարցի ֆուտբոլիստն ամռանն անվճար կմիանա կատալոնական ակումբին՝ կնքելով 5 տարվա պայմանագիր, հաղորդում է corriere.it-ը։

Նրա տարեկան աշխատավարձը Չավիի գլխավորած թիմում կլինի 6,5 միլիոն եվրո։ Ֆրանկ Կեսիեն նաեւ կստանա 10 միլիոն եվրո բոնուս «Բարսելոնան» ընտրելու համար։ Նրա տրանսֆերային արժեքը գնահատվում է 45 միլիոն եվրո։

Ընթացիկ մրցաշրջանում Ֆրանկ Կեսիեն «Միլանի» հետ բոլոր մրցաշարերում մասնակցել է 29 հանդիպման, խփել 6 գոլ, կատարել 1 գոլային փոխանցում։