«Բարսելոնան» համաձայնության է հասել Ռաֆինյայի հետ

«Բարսելոնան» համաձայնության է հասել անգլիական «Լիդս Յունայթեդի» բրազիլացի հարձակվող Ռաֆինյայի հետ աշխատավարձի եւ հինգ տարվա պայմանագրի վերաբերյալ, հաղորդում է Sport.es-ը։

Սպասվում է, որ անգլիական «Լիվերպուլն» ու Գերմանիայի չեմպիոն Մյունխենի «Բավարիան» նրան կառաջարկեն ավելի բարձր աշխատավարձ, սակայն Ռաֆինյան ցանկանում է հանդես գալ կատալոնական ակումբում։

25-ամյա ֆուտբոլիստը դադարեցրել է բանակցությունները «Լիդս Յունայթեդի» հետ։

Ռաֆինյան անգլիական ակումբ է տեղափոխվել 2020թ. հոկտեմբերին ֆրանսիական «Ռենից» 18,6 միլիոն եվրոյի դիմաց։ Նրա պայմանագիրը նախատեսված է մինչեւ 2024թ. հունիս։

 Transfermarkt-ը Ռաֆինյայի տրանսֆերային արժեքը գնահատում է 40 միլիոն եվրո։