Վարչապետը համաձայնել է Ղարաբաղը փոխանցել Ադրբեջանին. Անդրանիկ Թեւանյան
ԱԺ-ում Նիկոլ Փաշինյանի այսօրվա հայտարարությունները վկայում են այն մասին, որ նա փաստացի համաձայնել է Ղարաբաղը փոխանցել Ադրբեջանին՝ դա այլ կերպ ձեւակերպելով։ Այս մասին NEWS.am-ի թղթակցի հետ զրույցում ասաց «Հայաստան» խմբակցության պատգամավոր Անդրանիկ Թեւանյանը։
Նրա խոսքով՝ երբ Փաշինյանն ասում է, որ կարգավիճակի հարցը հետին պլան է մղվում, իսկ անվտանգությունն ու իրավունքներն առաջնահերթություն են դառնում, դա նշանակում է, որ նա առնվազն չի բացառում, որ Ղարաբաղը կարող է Ադրբեջանի կազմում լինել՝ Բաքվի կողմից անվտանգության որոշակի երաշխիքների եւ իրավունքների ապահովման դիմաց։ Նա պարզաբանեց, որ դա իրականում Հայաստանի Անկախության հռչակագրի մերժում, Ղարաբաղյան շարժման գաղափարների մերժում, Ղարաբաղի անվտանգության երաշխավորի կարգավիճակի մերժում է նշանակում։
Դա իր հերթին Հայաստանի նոր պարտություն եւ անվտանգության համակարգի կործանում է նշանակում։ «Դա այն նույն բանաձեւն է, որը մերժվել էր 1997-1998 թվականներին, բայց՝ վատագույն տարբերակով, քանի որ հիմա մենք նաեւ մարդկային կորուստներ ունեցանք, տարածքային զիջումների գնացինք։ Նիկոլ Փաշինյանը փաստացի առաջարկում է հաշտվել այն մտքի հետ, որ Ղարաբաղը կարող է Ադրբեջանի կազմում լինել՝ դա հիմնավորելով նրանով, որ ինքը փորձում է կյանքեր փրկել։ Երբ Փաշինյանը հիշեցնում է, որ իրեն կարող են մեղադրել հողերը չհանձնելու մեջ, ապա այս հայտարարության ենթատեքստը զիջումներ է նշանակում՝ նույն սխալներից խուսափելու եւ պատերազմից խուսափելու համար»,- հավելեց Թեւանյանը։
Ըստ ընդդիմադիրի՝ Փաշինյանը «Սերգո, դու վատ կապրես, քանի դեռ Ղարաբաղը կա» բանաձեւը փոխարինել է «Սերգո, դու վատ կապրես, քանի դեռ Ղարաբաղը կա, բայց այլեւս անվտանգ չես ապրի»։
«Եթե նա խոսում է Ղարաբաղի հարցում նշաձողն իջեցնելու եւ այն մասին, որ Ղարաբաղն Ադրբեջանի կազմում չթողնելու հարցում Հայաստանը միայնակ է եւ պետք է զիջումների գնալ, դա նշանակում է զիջումներ՝ հանուն ոչնչի, ինչն իր հերթին կապիտուլյացիա է նշանակում։ Ընդ որում, պարզ չէ, թե ինչ միջազգային հանրության մասին է խոսքը»,- շեշտեց պատգամավորը։
Նա նշեց, որ նույն հայտարարության մեջ Նիկոլ Փաշինյանի խոսքերը հակասական բնույթ են կրում: Մի կողմից նա ասում է, որ Ադրբեջանը հակահայկական քաղաքականություն է վարում եւ պատրաստվում է հայերին վտարել Ղարաբաղից, մյուս կողմից խոսում է զիջումների անհրաժեշտության մասին, որպեսզի Ղարաաբղի հայերի իրավունքները պաշտպանված լինեն։ «Այդպես չի լինում: Նա, ըստ էության, տարբեր լսարանների է դիմում: Եթե նախկինում փոխզիջման սկզբունքը կարգավիճակի դիմաց տարածքներ էր ենթադրում, այսինքն՝ Ղարաբաղի անկախության հաստատման ու ճանաչման դիմաց, ապա այժմ Նիկոլ Փաշինյանն առաջարկում է Ղարաբաղը հանձնել որոշ ժամանակով խաղաղ կյանքի դիմաց։ Սա փաստացի հարվածում է անվտանգության համակարգին եւ Հայաստանի ու Ղարաբաղի շահերին»,- եզրափակեց Անդրանիկ Թեւանյանը։
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...