Դարձյալ Արմեն Դանիելյանը. Չալաբյանի գործն էլ է մակագրվել իշխանությունների «սրտի դատավորին»
Հասարակական-քաղաքական գործիչ, «Արար» հիմնադրամի համահիմնադիր Ավետիք Չալաբյանի կալանավորման դեմ վերաքննիչ բողոքը մակագրվել է ձեռքով: Այս պարագայում նույնիսկ առանց երկմտելու կարելի էր ենթադրել, թե ում է մակագրվելու այդ գործը: Իշխանությունների ընտրությունն առանձնապես մեծ չէ, իսկ «առաջին տեղում», բնականաբար, Արմեն Դանիելյանն է, որը մշտապես կայացնում է իշխանություններին հաճո որոշումներ: Հենց նրան էլ մակագրվել է Ավետիք Չալաբյանի կալանավորման դեմ վերաքննիչ բողոքը:
Նման պատահականություններ չեն լինում, առավել ևս, որ, նորից կրկնենք, գործը մակագրվել է ձեռքով, թեպետ էլեկտրոնային մակագրման համակարգը վաղուց «տուն» է վերադարձել: Ի դեպ, ավելորդ չէ նշել, որ Արմեն Դանիելյանը դատավորների վարկանիշային ցանկում գրեթե մշտապես զբաղեցրել է վերջին տեղը, այսինքն՝ փաստաբանական համայնքի կողմից ամեն տարի արժանացել է ամենաբացասական գնահատականին: Բայց 2018 թ. իշխանափոխությունից հետո քաղաքական ենթատեքստ ունեցող բոլոր գործերը մակագրվել են նրան, ու նա երբեք Նիկոլ Փաշինյանին, այսպես ասած, չի «քաշել» և նրա ցանկալի որոշումներն է կայացրել: Ուստի պատահական չէ, որ իրավաբանական հանրույթի շրջանում անհանգստություններ կան, որ նրա ձեռամբ հիմա էլ Ավետիք Չալաբյանի նկատմամբ կշարունակվեն քաղաքական հալածանքները: Իսկ որ վերջինս քաղբանտարկյալ է, կարծես թե, մեծամասնությունն այդ հարցում տարակույս չունի:
Ավելին, ինչպես ԶԼՄ-ներն էին տեղեկացրել, նրա նկատմամբ իրավական գործիքակազմով իրականացվող քաղաքական հետապնդումը անհանգստացրել է նաև արտերկրի մի շարք հեղինակավոր կազմակերպությունների, ինչպես նաև Հայաստանում եվորապական երկրների դեսպաններին: Հավելենք, որ Չալաբյանի փաստաբանների փոխանցմամբ, հասարակական գործիչը ցանկություն է հայտնել անձամբ ներկա գտնվել քննության նիստին, որը կայանալու է երկուշաբթի օրը:
Ի դեպ, հիշեցնենք, որ Ավետիք Չալաբյանը ձերբակալվել, ապա դատարանի որոշմամբ կալանավորվել է Հայաստանի, այսպես կոչված, 1000 դրամների գործով, մի հոդվածով, որի սահմանադրականությունը որոշելու համար Սահմանադրական դատարան դիմելու միջնորդությամբ փաստաբանական խումբն արդեն դիմել է գլխավոր դատախազին: Նշենք նաև Ազգային ժողովի պատգամավորներ Իշխան Սաղաթելյանը, Սեյրան Օհանյանը, Էլինար Վարդանյանը, Հայկ Մամիջանյանը, Տիգրան Աբրահամյանը և ՀՀ նախկին փոխվարչապետ Վաչե Գաբրիելյանը անձնական երաշխավորագրեր են ներկայացրել Ավետիք Չալաբյանի խափանման միջոցը փոխելու համար:
Կարինե Գալյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Մենք վերջ կդնենք Փաշինյանի զիջողական քաղաքականությանը. տեսանյութ
ՀՀ իշխանությունը ԵՄ-ի հետ հարաբերություններում առաջնորդվում է երկակի ստանդարտներով․ Աննա Կոստանյան
Michelin-ի գաղտնի տեսուչները Հայաստանում. ո՞վ կարող է արժանանալ առաջին աստղին. «Փաստ»
Բիզնեսի և հանքարդյունաբերության առաջնորդներից Մարկ Կուտիֆանին երրորդ Mining Armenia Forum-ի գլխավոր ...
Երբ ջնջվում է... ոգին. «Փաստ»