Հակառակորդներին օրենք, յուրայիններին՝ ամեն ինչ․ ընտրովի արդարադատություն Չալաբյանի դեմ
«Հակառակորդներին օրենք, յուրայիններին՝ ամեն ինչ»․ ահա այն սկզբունքը, որով առաջնորդվում է Նիկոլ Փաշինյանը՝ ցանկացած օրենք մեկնաբանելիս։
«Իրազեկ քաղաքացիների միավորում» կազմակերպության ծրագրերի տնօրեն Դանիել Իոաննիսյանն է երեկ նույնիսկ ուշագրավ գրառում արել՝ նշելով, թե «ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանը ձերբակալվեց առանց իր իմացության և համաձայնության կատարված ձայնագրության հիման վրա դրա հրապարակման հաջորդ իսկ օրը, իսկ 2 օր առաջ հրապարակվեց Գագիկ Ջհանգիրյանի առանց իր իմացության ու համաձայնության կատարված ձայնագրությունը, որով նա խոստովանում է մի քանի դրվագով արդարադատությանը խառնվելու մեջ։ Անցել է երկու օր, բայց անգամ գործ չի հարուցվել, իսկ իշխանության ներկայացուցիչները որևէ կերպ չեն մեկնաբանում Ջհանգիրյանի արած լկտի և լպիրշ հայտարարությունները։ Ըստ Իոաննիսյանի՝ Ջհանգիրյանն էլ, Չալաբյանն էլ քրեական օրենքով արգելված արարք են գործել, բայց Չալաբյանն այն արել է իշխանության դեմ, իսկ Ջհանգիրյանը իշխանության համար։
Մի կողմ թողնենք այն հանգամանքը, որ Ավետիք Չալաբյանի արարքում որևէ ապացույց գոյություն չունի և նրան հանիրավի պահում են ազատազրկման մեջ։ Ուշագրավն այն է, որ նույնիսկ իշխանությանը մերձ կանգնած անձն է ստիպված լինում խոստովանել, որ Հայաստանի գործող իշխանությունները կամովի են մեկնաբանում օրենքի ցանկացած դրույթ և իրենց յուրայիններին ակնհայտ ապօրինությունների համար չեն հետապնդում, իսկ Ավետիք Չալաբյանին, օրինակ, պահում են անազատության մեջ՝ չապացուցված մեղադրանքներով։
Այս ամենը վկայում է, որ Հայաստանում գործող անարդարադատության համակարգը սկսել է մտահոգել նույնիսկ իշխանության ներկայացուցիչներին, որոնց մեջ էլ կան մարդիկ, որ գիտակցում են, թե ինչ խնդիրներ կարող է այս վարքը հարուցել Հայաստանի Հանրապետության համար։ Միջազգային կառույցները առայժմ լուռ են Ավետիք Չալաբյանի կալանավորման հարցով, սակայն ստիպված են լինելու ի վերջո գնահատական հնչեցնել և մեկնաբանել, թե ինչ է կատարվում իրականում Հայաստանում։ Ըստ էության, գործ ունենք ընտրովի արդարադատության հետ, որը որևէ դրական բան չի խոստանում Հայաստանին։
Սամվել Թորոսյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Մենք վերջ կդնենք Փաշինյանի զիջողական քաղաքականությանը. տեսանյութ
ՀՀ իշխանությունը ԵՄ-ի հետ հարաբերություններում առաջնորդվում է երկակի ստանդարտներով․ Աննա Կոստանյան
Michelin-ի գաղտնի տեսուչները Հայաստանում. ո՞վ կարող է արժանանալ առաջին աստղին. «Փաստ»
Բիզնեսի և հանքարդյունաբերության առաջնորդներից Մարկ Կուտիֆանին երրորդ Mining Armenia Forum-ի գլխավոր ...
Երբ ջնջվում է... ոգին. «Փաստ»