Իրավական կազուս Ավետիք Չալաբյանի գործով
«ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանի գործով իրավական կազուսը շարունակվում է։ Չալաբյանի կալանքի ժամկետը ավարտվում է հուլիսի 12-ին, և դատարանը պետք է մինչ այդ օրը քննի նրա կալանքը երկարաձգելու կամ կալանքից ազատելու որոշումը։ Մինչդեռ վերաքննիչ քրեական դատարանի դատավոր Արմեն Շիրոյանը օրեր առաջ Ավետիք Չալաբյանի խափանման միջոցը փոփոխելու համար ներկայացված միջնորդությունների քննության նիստը հետաձգեց ՝ նշանակելով հունիսի 27-ին, տարակուսանքի մեջ թողնելով Չալաբյանի պաշտպաններին և իրավաբաններին։
Հիշեցնենք՝ հուլիսի 1-ից պետք է Չալաբյանն ազատության մեջ լիներ, քանի որ քրեական օրենսգրքի 163-րդ հոդվածով նախատեսված հանցակազմը ապաքրեականացվել էր, սակայն նրան մեկ այլ հոդվածով մեղադրանք են առաջադրել, իսկ օրենքի տվյալ կետը լրացրել էին՝ այդ հարցով նույնիսկ խորհրդարանում քննարկում կամ հանրային լսում չանելով։
Անկախ ամեն ինչից, իշխանությունները ստիպված են լինելու մինչև հուլիսի 12-ը ևս մեկ դատական նիստ գումարել, որպեսզի քննարկեն երկամսյա կալանքը։ Մեր տեղեկություններով, նախաքննական մարմինը մտադիր է անպայման հասնել Չալաբյանի կալանքը ևս 2 ամսով երկարաձգելուն, նախքան գործը դատարան ուղարկելը։
Ընդ որում ինչպես ցույց է տալիս նման դեպքերի պրակտիկան, իշխանությունները մտադիր են կալանքի ժամկետը 2-ական ամսով ձգձգելով հնարավորինս երկար պահել Ավետիք Չալաբյանին, իսկ քրեական գործերը դատարան հնարավորինս ուշ ուղարկել՝ հստակ գիտակցելով, որ այդ գործը որևէ շանս չի կարող ունենալ նույնիսկ իշխանության ամենամոլեռանդ պաշտպան դատավորների կողմից քննվելու դեպքում։ Այս ամենին նաև նպաստում են ընդդիմության գործողությունները։
Չի բացառվում, որ ընդդիմությունը կարող էր ակտիվանալ առավելագույնը աշնանը, իսկ մինչև այդ, ամռանը ավելի շատ լճացման փուլ է լինելու, և իշխանությունները չեն ցանկանում կորցնել այս ժամանակը։ Ազգային ժողովը շաբաթական մի քանի արտահերթ նիստ է անելու իրենց ներկայացրած բոլոր օրենքները փոփոխելու համար։ Այդ ընթացքում էլ փորձելու են հնարավորինս թուլացնել ընդդիմությանը, նեղել, շատերին ձերբակալել կամ կալանավորել, շատերին բռնաճնշումների ենթարկել, հնարավորության դեպքում էլ պառակտել դիմադրության շարժումը։ Իսկ Ավետիք Չալաբյանն ու մյուս քաղբանտարկյալները շարունակելու են մնալ անազատության մեջ։
Կարեն Այվազյան
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Սիցիլիա դարձած երկիր․ մեկ շաբաթում՝ երեք աղմկահարույց հրաձգություն, զոհ և վիրավորներ․ Մարիաննա Ղահրա...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Ինչո՞ւ են իշխանությունները թիրախավորել դատավորին. «Փաստ»