Ո՞վ է իշխանությունների ցուցակում հաջորդը

Հասարակական-քաղաքական գործիչ, «Արար» հիմնադրամի համահիմնադիր Ավետիք Չալաբյանի կինը՝ Անահիտ Ադամյանը, հրապարակել է Հայաստանի այսօրվա քաղբանտարկյալների ցուցակը.

Գոռ Մաթևոսյան - 2+ ամիս
Ավետիք Չալաբյան - 2+ ամիս
Արմեն Գրիգորյան - 2 ամիս, մահացել է կալանքի տակ
Մամիկոն Ասլանյան, Վանաձորի նախկին քաղաքապետ - 7 ամիս
Գերասիմ Վարդանյան - 2+ ամիս
Տարոն Մանուկյան - 2+ ամիս
Գոռ Սարգսյան - 2+ ամիս
Արսեն Մարտոյան - 2+ ամիս
Գևորգ Մուրադյան - 2+ ամիս
Արամ Հարությունյան, Վարդենիսի քաղաքապետ- 7 ամիս
Հարություն Մանուչարյան, Բերդի քաղաքապետ- 8 ամիս
Արամ Տեր-Հարությունյան - 2 ամիս
Միկա Բադալյան - 2 ամիս
Ազատ Մուրադյան - 2+ ամիս
Նարեկ Մանթաշյան - 7 ամիս
Արա Մկրտչյան - 7 ամիս

Այսօր Երևանում վերջին հրաժեշտը տվեցին քաղբանտարկյալ Արմեն Գրիգորյանին: Ըստ դիահերձման արդյունքների՝ պրոդյուսեր Արմեն Գրիգորյանի մահվան պատճառը եղել է գլխուղեղի կաթվածը: Գրիգորյանի մտերիմները պնդում են, որ պրոդյուսերն առողջական խնդիրներ չի ունեցել, որոնք կարող էին մահվան պատճառ դառնալ:

Որոշ ՀԿ-ներ և հասարակական-քաղաքական ուժեր էլ հայտարարություն են տարածել, որտեղ ասվում է, որ Գրիգորյանի մահը կանխամտածված գործողությունների հետևանք է, որն, ըստ էության, սպանություն է: Որ պարտադիր չէ, որ սպանությունը իրականացվի բռնի ֆիզիկական գործողություններով. ըստ ՀՀ նոր Քրեական օրենսգրքի 450 հոդվածի՝ սպանություն է նաև ֆիզիկական և հոգեկան ուժեղ տառապանքներ պատճառելու միջոցով մահվան հասցնելը:

Մնում է հասկանալ՝ վերոնշյալներից ո՞վ է իշխանությունների ցուցակում հաջորդը: Հաշվի առնելով նրանց մոլեռանդությունը՝ հասարակական-քաղաքական գործիչ Ավետիք Չալաբյանին հնարավորինս երկար անազատության մեջ պահելու հարցում, վստահորեն կարող ենք փաստել, որ Չալաբյանի կյանքը լուրջ վտանգի տակ է:

Հիշեցնենք, որ օրերս քաղբանտարկյալ Ավետիք Չալաբյանը լրատվականներից մեկին բացառիկ հարցազրույց էր տվել, որտեղ նշում էր, որ իշխանությունն իրեն պատանդ է պահում, որ գործող իշխանություններն առանձնահատուկ դաժանությամբ և ցինիզմով փորձում են իրականացնել իր հետապնդումը։ Դրանով հանդերձ՝ Չալաբյանը համոզված է, որ դա իրենց սպասած արդյունքին չի բերելու, և իր հանդեպ գործած ամեն ապօրինի քայլ միայն ավելացնելու է հետագայում դրա մեղավորների պատասխանատվության աստիճանը:

Աննա Ներսիսյան