Ավետիք Չալաբյանի գործով ապօրինությունները շարունակվում են
«ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանի գործով ապօրինությունները շարունակվում են։
Տխրահռչակ դատավոր Մնացական Մարտիրոսյանը զոռով հանրային պաշտպան է ներգրավել Ավետիք Չալաբյանի գործով։ Երբ Չալաբյանն ունի 3 պրոֆեսիոնալ և հայտնի փաստաբաններ, Մարտիրոսյանը, օրենքը խախտելով, որպես պաշտպան ներգրավել է Էդուարդ Աղաջանյանին։
Ինքը՝ Չալաբյանը հայտնել է, որ չի լիազորում հանրային պաշտպանին։ Անգամ հանրային պաշտպան Աղաջանյանն է հայտարարել, որ դա իր ներգրավմանը խանգարող հանգամանք է, դատարանին միջնորդել է իրեն չներգրավել, սակայն Մարտիրոսյանը դեմ է գնացել բոլորին և Աղաջանյանին զոռով ներգրավել գործում՝ որպես գործող պաշտպան։
Տխրահռչակ դատավորը նեղվել էր, երբ նախորդ նիստերից մեկում Չալաբյանի 3 փաստաբաններն ի նշան բողոքի լքել էին նիստերի դահլիճը։ Եվ այժմ Մարտիրոսյանը, ըստ երևույթին, ցանկանում է ինքը հնարավորություն ստեղծել, որպեսզի անհրաժեշտության դեպքում փաստաբաններին հեռացնելով կարողանա ցանկացած ապօրինություն իրականացնել հանրային պաշտպանի ներկայությամբ։
Մնացական Մարտիրոսյանը նաև մերժել է իրեն առաջադրվող ինքնաբացարկի միջնորդությունը։ Փաստաբանները պնդում են, որ դատավորն ամեն ինչ անում է, օրեր առաջ կալանքից ազատված Ավետիք Չալաբյանին նորից ճաղերի ետևն ուղարկելու համար։ Ինքը՝ Մարտիրոսյանը, չի էլ հերքում դա և պաշտպանի ներգրավումից հետո կանցնի գործի քննությանը, ու դատախազությունը, ըստ էության, կրկին կմիջնորդի կալանավորել Ավետիք Չալաբյանին, իսկ Մնացական Մարտիրոսյանը, ով հայտնի է իշխանության բոլոր քմահաճույքները անմռունչ կատարելու իր սովորությամբ, հենց այդպես էլ վարվելու է։ Երեկվա նիստի ավարտին Ավետիք Չալաբյանը խնդրել է մեկ ավել օր հատկացնել, որպեսզի բուժզննում անցնի, սակայն Մարտիրոսյանը միայն օգոստոսի 3-ին է նշանակել նիստը։
«Վաղը գնացեք բժշկի»,- ասել է դատավորն ու հեռացել։
Թեպետ իշխանություններն ամեն ինչ անում են «ԱՐԱՐ» հիմնադրամի համահիմնադրին նստեցնելու համար, սակայն, ինքը ՝ Չալաբյանը և նրա ընտանիքը հայտարարել են, որ դրանով որևէ կերպ իրենց պայքարը չի տուժելու, և իրենք բոլոր օրինական միջոցներով պայքարելու են փաշինյանական վարչախմբի դեմ։
Նարեկ Երեմյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Մենք վերջ կդնենք Փաշինյանի զիջողական քաղաքականությանը. տեսանյութ
ՀՀ իշխանությունը ԵՄ-ի հետ հարաբերություններում առաջնորդվում է երկակի ստանդարտներով․ Աննա Կոստանյան
Michelin-ի գաղտնի տեսուչները Հայաստանում. ո՞վ կարող է արժանանալ առաջին աստղին. «Փաստ»
Բիզնեսի և հանքարդյունաբերության առաջնորդներից Մարկ Կուտիֆանին երրորդ Mining Armenia Forum-ի գլխավոր ...
Երբ ջնջվում է... ոգին. «Փաստ»