Ավետիք Չալաբյանի և գործող վարչախմբի արժեքային տարբերությունը
«ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանի Երևանի Ընդհանուր իրավասության դատարանում ընթացող դատաքննության ժամանակ դատաքննությունը երեկ վերջնականապես ապացուցեց արժեքային այն տարբերությունը, որը կա Չալաբյանի և գործը քննող դատավորի ու նրան հովանավորող իշխանությունների միջև։
Չալաբյանն անդրադարձավ իր և Ագրարային համալսարանի դասախոս Էմմա Սարգսյանի դեմ առաջադրված մեղադրանքին, նշեց, որ այն աբսուրդային է, և բնականաբար չեն ընդունում։
«Ես և Էմմա Սարգսյանը մեղադրվում ենք բացարձակ նույն բանում, առաջին օրվանից դատական նախաքննությունը, դատաքննությունը շատ տարօրինակ ասիմետրիկ վերաբերմունք են դրսևորել իմ և Էմմա Սարգսյանի նկատմամբ։ Ընտրվել է խափանման մեկ այլ միջոց Էմմա Սարգսյանի դեպքում, իմ դեպքում՝ ամենադաժանը։ Նրան թույլ է տրվել այլևս չհաճախել դատական նիստերին, իսկ ես ամեն անգամ դժոխային ոստիկանական մեքենայով ստիպված եմ գնալ-գալ մեկ ժամ»,- նշել է Չալաբյանը և կասկած հայտնել, որ դատավճիռն արդեն պատրաստ է և դրված է դատարանի դարակներից որևէ մեկում, իսկ այդ դատավճռով Էմմա Սարգսյանը ստանալու է հնարավոր ամենամեղմ, իսկ ինքը` հնարավոր ամենածանր պատիժը։
Միևնույն ժամանակ հասարակական-քաղաքական գործիչը չի դժգոհում, այլ ընդհակառակը պահանջում է դատարանից կարճել միայնակ մոր նկատմամբ առաջադրված մեղադրանքը։
«Էմմա Սարգսյանը պատահական մարդ է։ Սա դատավարություն չէ «Հայաստանի Հանրապետությունն ընդդեմ Էմմա Սարգսյանի և Ավետիք Չալաբյանի», սա դատավարություն է «Նիկոլ Փաշինյանն ընդդեմ Ավետիք Չալաբյանի»,- ասել է Ավետիք Չալաբյանը և պնդել, որ Էմմա Սարգսյանին պետք է ներգրավել որպես վկա և հարցաքննել։
«Դա շատ ավելի արդար կլինի: Ձեր բոլորի՝ այս ռեպրեսիվ կռիվն իմ դեմ է, այդ կռիվը տարեք ինչքան կարող եք, մենք էլ տանելու ենք, ինչքան մենք կարողանանք, իսկ Էմմա Սարգսյանի վրայից հանեք մեղադրանքը, նա, ինչպես և ես, ոչ մի բան չի արել, բայց դուք ինձ դատում եք ուրիշ բանի համար, իսկ նա այդ ուրիշ բանն էլ չի արել, ուստի իր վրայից հանեք մեղադրանքը»,- հայտարարել է Ավետիք Չալաբյանը։
Այս դրվագը, ընդհանրապես, ապացուցում է բարձր այն արժեքները, որը կրում է ընդդիմադիր քաղաքական գործիչը, և արժեքային դեգրադացիան, որում թաղվել է Հայաստանի գործող վարչախումբը:
Ըստ էության, հենց այս հանգամանքն է հունից հանում իշխանություններին, որոնք հստակ գիտակցում են ոչ միայն իրենց կրթական, մարդկային և բարոյական անկումը Ավետիք Չալաբյանի դեմ, այլ նաև հասկանում են, որ ի վերջո արդարամտության նման զգացումը հաղթելու է քինախնդիր և հակամարդկային այն տեսակին, որն այսօր իշխանության է եկել Հայաստանում։
Հայկ Ասատրյան
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Սիցիլիա դարձած երկիր․ մեկ շաբաթում՝ երեք աղմկահարույց հրաձգություն, զոհ և վիրավորներ․ Մարիաննա Ղահրա...
Ինչո՞ւ են իշխանությունները թիրախավորել դատավորին. «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...