«Հրապարակ». ԶՊՄԿ֊ից մերժել են. քաղաքական գործընթացներից հեռու են մնում
«Հրապարակ» թերթը գրում է. «Քաջարանի գործող համայնքապետ Մանվել Փարամազյանը սեպտեմբերի 25-ին ընդառաջ ակտիվ քարոզարշավ է իրականացնում։ Շրջում է գրեթե բակեբակ, զրուցում բոլորի հետ։ Բանն այն է, որ նա խնդիր ունի 50+1 ստանալու։ Ընտրական օրենսգրքի վերջին փոփոխություններով՝ եթե ընտրություններից 20 օր անց համայնքում ղեկավար չի նշանակվում, ապա վարչապետին արդեն իրավասություն է վերապահված համայնքապետի ԺՊ նշանակել։
Օրենքի այս փոփոխությունն արեցին հատուկ Վանաձորի համար, որ բանտում պատանդ վերցված Մամիկոն Ասլանյանի փոխարեն կրիմինալի ներկայացուցիչ Ակային նշանակեն, բայց այսուհետ այն տարածվելու է նաեւ մյուս բոլոր համայնքների վրա․ որտեղ ՔՊ-ն իշխանությունն ընտրություններով չկարողանա վերցնել, եւ որեւէ ուժ 50+1 ձայներ չստանա, այս եղանակով տապալեն համայնքապետի ընտրությունները, 20 օր ձգեն, եւ Փաշինյանի հրամանագրով հերթական «Ական» նշանակվի ԺՊ։
Այնպես որ, եթե Փարամազյանը 50+1 չհավաքի Քաջարանում, փոքր է հավանականությունը, որ Արամ Սարգսյանի կուսակցության ցուցակով առաջադրված նախկին համայնքապետ Վարդան Գեւորգյանը կոալիցիա կկազմի նրա հետ։
Թերեւս սրանով է պայմանավորված, որ ՔՊ թեկնածու Արմեն Առաքելյանը՝ «Զապո» մականունով, Քաջարանում դեռ չի երեւում, հանրային որեւէ միջոցառման չի մասնակցում։ Նա գործարար է, հյուրանոց ունի, ապրում է Երեւանում, սակայն հաշվառված է Քաջարանում։ Որոշակի կապեր ունի ԶՊՄԿ ղեկավարության հետ։ Մեզ ասացին, որ փորձել է կոմբինատից հօգուտ իրեն հայտարարություն ստանալ, սակայն մերժել են՝ ասելով, որ քաղաքական գործընթացներից հեռու են մնում, Զապոն էլ քարոզչությունը վարում է Ֆեյսբուքում՝ հարցազրույցների, ուղերձների տեսքով»:
Առավել մանրամասն՝ թերթի այսօրվա համարում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Բեյջի թելերից ավելի ուշագրով գնումներ էլ են եղել
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Ի՞նչը պետք է լինի թվային հեղափոխության չափանիշը
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան