Ուզբեկստանում էլեկտրական ցանցերի գրասենյակները սկսել են համալրվել արևային մարտկոցներով

Fergana.agency-ը գրում է, որ Ուզբեկստանում սկսվել է «Տարածքային էլեկտրական ցանցեր» ԲԲԸ-ի շենքերի վրա արևային մարտկոցների տեղադրումը։ Այդ մասին հայտնել է կազմակերպության մամուլի ծառայությունը։

Առաջին հերթին պանելները տեղադրվել են ԲԲԸ-ի գլխավոր գրասենյակի տանիքին։ Solar Nature ընկերությունը տեղադրել է արևային ֆոտովոլտային կայանք 192 արևային մարտկոցով։ Դրա հզորությունը 110 կՎտ է։ Այժմ աշխատանքներ են տարվում ագրեգատը էլեկտրամատակարարման համակարգին միացնելու ուղղությամբ: Ակնկալվում է, որ կայանը շահագործման հանձնելուց հետո այն կօգնի տարեկան խնայել ավելի քան 361 հազար կՎտ/ժ էլեկտրաէներգիա։

Հունիսին հաղորդվել էր Համաշխարհային բանկի որոշման մասին Ուզբեկստանին 143 մլն դոլար արտոնյալ վարկ տրամադրելու մասին հանրային շենքերի էներգաարդյունավետության բարելավման ծրագրի շրջանակներում։ 

Ծրագրի շրջանակներում նախատեսվում է արդիականացնել ավելի քան 800 հաստատություն՝ նախադպրոցական, հանրակրթական և առողջապահական ոլորտներում, հանրապետության բոլոր մարզերում։

Դրանք կբարելավեն ջեռուցման, օդափոխության, օդորակման և լուսավորության համակարգերը։ Ածխով աշխատող կաթսաները կփոխարինվեն այլ համակարգերով, որոնք հիմնված են էներգիայի այնպիսի վերականգնվող աղբյուրների վրա, ինչպիսիք են ջերմային պոմպերի և արևային կոլեկտորների հետ ինտեգրված արևային մարտկոցները:

Ուզբեկստանի իշխանությունները նախատեսում են մինչև 2030 թվականն ավելացնել արևի և քամու էներգիայի օգտագործումը համապատասխանաբար մինչև 8% և 7%: Առաջիկա տասնամյակում նախատեսվում է գործարկել մինչև 30 ԳՎտ էներգիայի լրացուցիչ աղբյուրներ, այդ թվում՝ 5 ԳՎտ արևային, 3,8 ԳՎտ ջրային և մինչև 3 ԳՎտ քամու։

Հայաստանում արևային պանելներ արտադրող առաջին և միակ ընկերությունը Սոլարոնն է։
Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորության և արժեքի վերաբերյալ։
Զանգահարեք`  87-57, (010) 44-00-55
էլ. փոստ`  [email protected]