Թշնամու առաջխաղացումը կանգնեցրել են մեր հերոս զինվորները. Ավետիք Չալաբյան
«Անցած պատերազմական գործողություններում թշնամու գերակշիռ ուժերի առաջխաղացումը կանգնեցրել են մեր հերոս զինվորները»,- «ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանն է արել այս արձանագրումը, նա նշել է, թե բազմաթիվ ուղղություններում արդյունավետ աշխատել են մեր հրետանավորները, որոնք ծանր կորուստներ են պատճառել և հաճախ հետ են շպրտել առաջնագծում ճեղքում իրականացրած և առաջ շարժվող թշնամու հոծ ստորաբաժանումներին։
Ըստ Չալաբյանի՝ շատերը կռվել են գլխի վերևներում ունենալով անիծյալ բայրաքթարները և հարոբները, ամեն պահ գտնվելով վտանգի տակ, շատերն էլ իրենց կյանքով են հատուցել բոլորիս աններելի սխալների և թեթևամտության համար։
Հասարակական-քաղաքական գործչի այս արձանագրման մեջ հատկապես աչք է զարնում աններելի սխալների և թեթևամտության մասին նրա տեսակետը։
44-օրյա պատերազմից հետո թե՛ Չալաբյանը, թե՛ բազմաթիվ այլ ընդդիմադիր գործիչներ արձանագրում էին, թե հարկավոր է օր առաջ ուշքի բերել Հայաստանը, ստեղծել հնարավորություններ՝ կրկին վերազինվելու, նոր ռազմական ագրեսիաների դեպքում թշնամուն ծանր հարված հասցնելու համար։
Գործող իշխանությունները, սակայն, որևէ քայլ չեն արել այդ ուղղությամբ և կրկին 2 տարի անց մնացել են հայ զինվորի անօրինակ սխրանքի հույսին։
Եթե չլիներ հայ զինվորը, այսօր Ադրբեջանը ոչ թե կլիներ Ջերմուկից 7 կմ հեռավորության վրա, ինչպես ասում է Ավետիք Չալաբյանը, այլ վաղուց արդեն գրաված կլիներ Հայաստանի ինքնիշխան տարածքի մի զգալի մասը, չի բացառվում, որ նույնիսկ կարողանային միջանցք բացել և Սյունիքը կտրել Հայաստանից։
Արցախում և Հայաստանում պաշտպանողականության բարձրացման ուղղությամբ բազմաթիվ նախաձեռնություններ արած Ավետիք Չալաբյանի այս արձանագրումներն արժեքավոր են, և գործող իշխանությունները, կամ էլ Հայաստանի ապագա իշխանությունները, որոնք վաղ թե ուշ փոխարինելու են ապիկար և դավաճանական վարչախմբին, պետք է անմիջապես ձեռնամուխ լինեն Հայաստանի պաշտպանողականության բարձրացմանը, տեխնիկական միջոցներ գնելուն կամ ստեղծելուն, որպեսզի արևմտյան և արևելյան սահմաններում գտնվող թշնամիների մտքով անգամ չանցնի հարձակվել Հայաստանի Հանրապետության վրա։ Իսկ մինչ այդ ստիպված ենք լինելու ամեն անգամ մնալ զինվորի սխրանքի հույսին։
Գոռ Առաքելյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Մենք վերջ կդնենք Փաշինյանի զիջողական քաղաքականությանը. տեսանյութ
ՀՀ իշխանությունը ԵՄ-ի հետ հարաբերություններում առաջնորդվում է երկակի ստանդարտներով․ Աննա Կոստանյան
Michelin-ի գաղտնի տեսուչները Հայաստանում. ո՞վ կարող է արժանանալ առաջին աստղին. «Փաստ»
Բիզնեսի և հանքարդյունաբերության առաջնորդներից Մարկ Կուտիֆանին երրորդ Mining Armenia Forum-ի գլխավոր ...
Երբ ջնջվում է... ոգին. «Փաստ»