«Խաղաղության դարաշրջանը» տապալվել է․ միակ ուղին Չալաբյանի նշած ռազմականացումն է
ՄԱԿ Գլխավոր ասամբլեայի նստաշրջանում ունեցած ելույթում Փաշինյանի ելույթը արձանագրեց, որ իշխանության «խաղաղության դարաշրջանի» կոնցեպտը մեռելածին է, վարչակազմը տապալել է Հայաստանի պաշտպանության կազմակերպումը, դիվանագիտությունն ու բանակցային ողջ գործընթացը։
Թերևս 44-օրյա պատերազմից հետո ստեղծված իրողությունների պայմաններում կարելի է փաստել, որ այս բոլոր ձախողումները Նիկոլ Փաշինյանի գլխավորած վարչակազմը արել է միտումնավոր։ Պարտությունից հետո Փաշինյանը փաստարկում էր, որ կարիք չկա ռազմականացվելու, եթե հնարավոր է թուրքական տանդեմի հետ գտնել խաղաղության բանալին և նրանց հետ ունենալ այնպիսի համակեցություն, ինչպիսին մենք ունենք մեր մյուս հարևանների՝ Իրանի և Վրաստանի հետ։
«ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանը դեռևս ամիսներ առաջ բանտից իր գրած «Հայաստանի ճակատագրական ընտրությունը․ ռազմականացում» հոդվածում նշում էր, որ Ադրբեջանն այսօր էլ չի թաքցնում իր հավակնությունները և հրաշալի գիտակցում է, որ թույլ և ապառազմականացված Հայաստանն ընդունակ չի լինելու պաշտպանել իր տարածքները, մանավանդ այն հատվածներում, որտեղ նոսր է բնակեցված։
Դեռևս հունիսին Չալաբյանը նախազգուշացնում էր, որ վտանգի տակ են Սյունիքը, Վայոց ձորը ու Գեղարքունիքը։
«Ադրբեջանն արդեն 2021 թվականի ընթացքում փորձարկեց Հայաստանի Հանրապետության սուվերեն տարածք տեղային ներխուժումների տեխնոլոգիան և նույնիսկ «Խաղաղության պայմանագրի» շրջանակներում շարունակելու է այլ և այլ միջոցներով ուժեղացնել իր ներկայությունը Հայաստանի տարածքում։ Նույնը փորձելու է նաև Արցախում՝ օգտվելով մի շարք խոցելի կետերի առկայությունից և այնտեղ գտնվող խաղաղապահ զորակազմի թուլությունից կամ թողտվությունից»,- նշում էր Ավետիք Չալաբյանը, հավելում, որ որքան էլ Փաշինյանը պնդի, որ վճռական է մեր թուրքական հարևանների հետ «Խաղաղության դարաշրջան» բացելուն, դա լավագույն դեպքում լինելու է Հայաստանի խաղաղ կլանման և թուրքականացման դարաշրջան։ Իսկ վատթարագույն դեպքում կարող է ուղեկցվել նաև բնակչության ջարդերով և տեղահանությամբ, ինչպես եղավ Հադրութում և Շուշիում։
Ի վերջո, երեք ամիս անց, կարելի է փաստել, որ Ավետիք Չալաբյանի այս կանխատեսումները գրեթե իրականանում են։ Թուրքիան և Ադրբեջանը նոր հարձակման են պատրաստվում Հայաստանի դեմ՝ բացարձակապես չլսելով միջազգային հանրության պահանջները, իսկ Հայաստանը որևէ քայլ չի ձեռնարկել իր ռազմական կարողությունները փոքր-ինչ ավելացնելու համար։
Միակ տարբերակը, ինչպես արդարացիորեն նշել է հասարակական-քաղաքական գործիչ Ավետիք Չալաբյանը, գործող վարչախմբին հեռացնելն է և նոր ազգային իշխանություն ստեղծելը։
Գոռ Դավթյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Դոլարն էժանացել է, ռուբլին՝ թանկացել․ փոխարժեքն՝ այսօր
Ինչին չդիմացավ ԱԱԾ նախկին տնօրեն Գեորգի Կուտոյանը․ ինքնասպանությունից 6 տարի անց․ «Ժողովուրդ»
Պետության հաշվին հարստացողներն այլոց «նախաճաշն» են հաշվում. «Փաստ»
Էլեկտրաէներգիայի անջատումներ են սպասվում
Թունավորվել են ոչ թե սննդից, այլ... շմոլ գազից. «Փաստ»