Ռուբեն Վարդանյանի դեմ կեղտոտ արշավ է սկսել․ Օգտագործում են բազմիցս օգտագործվածներին
Արցախի պետնախարար Ռուբեն Վարդանյանի դեմ իսկական կեղտոտ արշավ է սկսվել, հայաստանյան և արցախյան որոշ շրջանակների կողմից, և այդ շրջանակները Արցախի պետնախարարի արդյունավետ աշխատանքը փնովելու, վարկաբեկելու համար այլ տարբերակ չեն գտել, քան քաղաքական դաշտում և ԶԼՄ-ներում ամենավարկաբեկված կերպարներին առաջին պլան բերելը։
Նման դեպքերի համար երևանյան կրկեսի տնօրենը մի հայտնի ձևակերպում ուներ, առաջին պլան բերված որոշ արարածների մասին։ Տևական ժամանակ հայհոյախոսության և գռեհիկ բառապաշարի չեմպիոն հանդիսացող մի ակումբ երեկ հյուրընկալել էր միանգամից երկու տարօրինակ դեմքերի. Սահմանադրական դատարանի աշխատակազմի նախկին ղեկավար Էդգար Ղազարյանը, որ վերջին երկու տարում հասցրել էր ձախողել բոլոր ընդդիմադիր միջոցառումները և, ավելի շատ հայտնի էր ընդդիմության հասցեին վիրավորանքներ հնչեցնելով, երեկ էլ նույն բառապաշարը օգտագործել է Ռուբեն Վարդանյանի դեմ։
Դամքաշի դերը հիանալի կատարեց իրեն ազատամարտիկ հորջորջող Վոլոդյա Հովհաննիսյանը: Ընդ որում թե՛ ակումբավարը և թե՛ նրա տխրահռչակ հյուրը այլ հակափաստարկ չէին գտել Ռուբեն Վարդանյանի դեմ, քան այն, որ Ռուբեն Վարդանյանն առաջին անգամ է պետական պաշտոն զբաղեցնում։ Իհարկե վայ-բանախոսին բնավ չէր մտահոգում, որ Ռուբեն Վարդանյանը բավական լուրջ կառավարչական հմտություններ ունի և խոշոր բիզնես–նախագծեր և բարեգործական ծրագրեր է իրականացրել ողջ աշխարհով մեկ։
Նրանց ամբողջ նպատակը Ռուբեն Վարդանյանի աշխատանքը փնովելն էր ամենալպիրշ և լկտի արտահայտություններով՝ էլ «Պոլոզ Մուկուչ», էլ «դեկորատիվ գյադեք», էլ «գործ անող մարդը չի խոսում»։ Ցանկացած իրեն հարգող մարդ այդ ողորմելի տեսարանը տեսնելուց հետո բնականաբար իրեն հարց է տալիս, թե ինչպես է ստացվում, որ Արցախում 9 օրից ավելի շրջափակման մեջ գտնվող ժողովուրդը կարողանում է դիմակայել հնարավորինս քիչ զրկանքներ կրել, ունենալ սննդի և վառելիքի բավարար պաշար Ադրբեջանի սադրանքներին դիմադրելու համար, բայց փոխարենը Երևանում տաքուկ սենյակներում հանգրվանած որոշ դեմքեր կեղտ են փորձում նետել նրա վրա։
Տեսարանն իսկապես այնքան ողորմելի էր, որ հիշեցնում էր փնթի մի խոհանոց, պակասում էին միայն ճենճոտ խալաթներն ու սուրճի չլվացված բաժակները, որպեսզի տեսարանն ավելի կատարյալ լիներ։ Իսկ թե սրանց ետևում ում ականջներն են երևում, դժվար չէ կռահել։
Կարինե Ավետիքյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Դոլարն էժանացել է, ռուբլին՝ թանկացել․ փոխարժեքն՝ այսօր
Ինչին չդիմացավ ԱԱԾ նախկին տնօրեն Գեորգի Կուտոյանը․ ինքնասպանությունից 6 տարի անց․ «Ժողովուրդ»
Պետության հաշվին հարստացողներն այլոց «նախաճաշն» են հաշվում. «Փաստ»
Էլեկտրաէներգիայի անջատումներ են սպասվում
Թունավորվել են ոչ թե սննդից, այլ... շմոլ գազից. «Փաստ»