Այսօր մենք պետք է համախմբենք մեր ուժերը՝ պաշտպանելու մեր երկրի սահմանները, պաշտպանելու Արցախը, պաշտպանելու մեր ազատությունն ու ինքնությունը. Ավետիք Չալաբյան
Քաղաքական-հասարակական գործիչ, «Համախմբում» շարժման խորհրդի անդամ Ավետիք Չալաբյանը ֆեյսբուքյան իր էջում գրում է.
Այսօր լրանում է Հայաստանի Հանրապետության հռչակման 105-րդ տարեդարձը: 1918 թվականին, վիթխարի մարդկային և տարածքային կորուստներից հետո, հայ ժողովուրդը, փաստացի մենակ և առանց իրական դաշնակից, համախմբվելով կարողացավ հետ մղել թուրքական ագրեսիան, ջախջախել թուրքական բանակի կանոնավոր ստորաբաժանումները Սարդարապատի, Բաշ-Ապարանի և մասամբ նաև Ղարաքիլիսայի դաժան ճակատամարտերում, և վաստակած ու արժանապատիվ իրավունք ձեռք բերեց սեփական պետությունն ունենալու:
105 տարի առաջ մեր նախնիները, դիմագրավելով սովին, համաճարակներին, սպառազինության պակասին, պետության բացակայությանը՝ կռիվ տվեցին այդ պետությունը ստեղծելու և կայացնելու համար, իրենց հերոսական պայքարով ճանապարհ բացելով ապագա սերունդների համար: Այսօր մենք՝ իրենց սերունդները, պետք է ոգեշնչվենք մեր նախնիների օրինակով, պայքարենք մեր հայրենիքի յուրաքանչյուր քար ու թփի համար, ստեղծենք և արարենք՝ կառուցելու այն երկիրը, որն արժանի է իրենց սխրանքին:
Այսօր մենք պետք է համախմբենք մեր ուժերը՝ պաշտպանելու մեր երկրի սահմանները, պաշտպանելու Արցախը, պաշտպանելու մեր ազատությունն ու ինքնությունը: Մեր մեջի ազատասերն ու խիզախը պետք է հաղթի նյութապաշտին և թուլամորթին, աշխատասերը՝ ծույլին, կռվողը՝ դասալիքին, կրթվածը՝ տգետին, ազնիվը՝ սուտասանին: Մենք պետք է դուրս մղենք մեր մեջի վախը, անզիջում դիմադրենք թշնամուն, վստահ ձեռք մեկնենք բարեկամին, և վերգտնելով մեր ուժը, քայլ առ քայլ վերականգնենք մեր բնատուր ազգային իրավունքը:
Այսօր, մայիսյան հերոսամարտերից 105 տարի անց, ես ցանկանում եմ գլուխս խոնարհել նրանց բոլոր հերոսների առաջ, և շնորհավորել մեր ազգի պայքարող տեսակին, որի համար այս հերոսամարտերը մշտապես լինելու են փարոս արիության և արժանապատվության, և ոգեշնչելու են նոր նվաճումների: Շնորհավոր բոլորիս տոնը, քույրեր և եղբայրներ, Աստված պահապան մեր հայրենիքին և մեր պայքարող տեսակին:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Մենք վերջ կդնենք Փաշինյանի զիջողական քաղաքականությանը. տեսանյութ
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
ՀՀ իշխանությունը ԵՄ-ի հետ հարաբերություններում առաջնորդվում է երկակի ստանդարտներով․ Աննա Կոստանյան
Երբ ջնջվում է... ոգին. «Փաստ»
Michelin-ի գաղտնի տեսուչները Հայաստանում. ո՞վ կարող է արժանանալ առաջին աստղին. «Փաստ»
Բիզնեսի և հանքարդյունաբերության առաջնորդներից Մարկ Կուտիֆանին երրորդ Mining Armenia Forum-ի գլխավոր ...