Հայաստանը հաղթեց Ուելսին
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Եվրո-2024-ի ընտրական փուլի 3-րդ տուրում Հայաստանի ազգային հավաքականը հյուրընկալվել էր Ուելսին։ Հանդիպումն ավարտվեց 4-2 հաշվով՝ հօգուտ Հայաստանի հավաքականի։
Առաջին խաղակեսից հետո մեր ընտրանին հաղթում էր 2-1 հաշվով։ «Քարդիֆ Սիթի» ստադիոնում ընթացող խաղի հաշիվը 10-րդ րոպեին բացեցին տանտերերը․ աչքի ընկավ կիսապաշտպան Դենիել Ջեյմսը։
Բայց րոպեներ անց հյուրերի կազմում հաշիվը հավասարեցրեց Լուկաս Սելարայանը՝ իր առաջին գոլը խփելով ազգային հավաքականի կազմում։
Իսկ 30-րդ րոպեին Հրանտ-Լեոն Ռանոսը հավաքականի կազմում իր առաջին պաշտոնական խաղում արդեն մեր ընտրանուն հաշվի մեջ առաջ մղեց՝ 2-1։
Հայաստանի հավաքականը հանդիպումը սկսել էր հետևյալ կազմով․ Չանչարևիչ – Թիկնիզյան, Չալըշըր, Մկրտչյան, Հարությունյան, Դաշյան – Իվու, Սելարայան, Սպերցյան, Բարսեղյան – Հրանտ-Լեոն Ռանոս։ «Ալաշկերտի» դարպասապահ Օգնյեն Չանչարևիչը նորամուտը կնշի Հայաստանի հավաքականի կազմում։ Հիշեցնենք, որ 33-ամյա Օգնյեն Չանչարևիչը, որն արդեն 5 տարի է՝ խաղում է Հայաստանում՝ «Ալաշկերտում», ՀՀ քաղաքացիություն է ստացել և առաջին անգամ հրավիրվել ազգային հավաքական։
Հանդիպման մեկնարկից մեկ ժամ անց՝ 60-րդ րոպեին, մեր հավաքականի գլխավոր մարզիչ Ալեքսանդր Պետրակովը կրկնակի փոփոխություն կատարեց․ խաղադաշտ դուրս եկան Վահան Բիչախչյանը և Վարազդատ Հարոյանը։ Քիչ անց Հրանտ-Լեոն Ռանոսը դուբլ գրանցեց իր հաշվին՝ մեծացնելով Հայաստանի հավաքականի առավելությունն այս խաղում՝ 3-1։
Բայց 73-րդ րոպեին բրիտանացիները նորից կրճատեցին հաշվի տարբերությունը․ աչքի ընկավ Ուիլսոնը։
Սակայն ուելսցիների ուրախությունը երկար չտևեց․ Սելարայանը, ինչպես և Ռանոսը, րոպեներ անց ևս իր հաշվին դուբլ գրանցեց․ հանդիպման ավարտից 15 րոպե առաջ մարզադաշտի լուսատախտակին հաշիվն արդեն 2-4 էր և այդ թվերը խաղի մնացած ժամանակահատվածում մնացին անփոփոխ․․․
Այսպիսով՝ Հայաստանի հավաքականն առաջին միավորներն է վաստակում Եվրո-2024-ի ընտրական փուլում՝ մրցակցի հարկի տակ հաղթելով ԱԱ-2022-ի մասնակից Ուելսի հավաքականին։ Չանչարևիչի նորամուտը հաղթական ստացվեց, Ռանոսը հավաքականի կազմում իր առաջին պաշտոնական և երկրորդ խաղում անընդմեջ դուբլ է ձևակերպում, իսկ Սելարայանն ընդհանրապես առաջին գոլերն է խփում մեր ընտրանու կազմում, այս խաղում իր ակտիվում գրանցելով նաև գոլային փոխանցում։
Հաջորդ հանդիպումը մեր հավաքականը կանցկացնի Երևանում՝ հունիսի 19-ին հյուրընկալելով Լատվիայի ընտրանուն։
«Նիկոլ Փաշինյանի խնդիրը ժամանակ շահելն է, բայց բոլոր կողմերից նրան մանևրելու տեղ չեն թողնում». «Փաստ...
ԵՊՀ-ում տիրում է խտրականություն, և աշխատանքից հեռացնում են քաղաքական հայացքների համար. Մենուա Սողոմո...
Ոչ թե չեզոքություն, այլ կեղծ հավասարակշռություն. ինչո՞ւ են եվրոպական պաշտոնյաները լեգիտիմացնում իրագ...
Ծափ տվեք. կարևորը՝ իշխանավորները ճոխ կյանքով ապրեն. «Փաստ»
«Համահայկական ճակատ» շարժման առաջնորդի ուղերձը Արցախի հանձնման ու հայաթափման երրորդ տարելիցի կապակցո...
Իշխանությունը իր դիրքերը պահպանելու համար պատրաստ է գնալ ոչ օրինական քայլերի. Արեգ Սավգուլյան
Քաղաքականապես հասուն ազգերը երկու կարգավիճակ ունեն․ կա՛մ ունեն անկախ պետականություն, կա՛մ պայքարում ...
Ծաղիկների խոնարհում Եռաբլուրում
Մենք կբերենք խաղաղություն՝ առանց մեր անկախությունից հրաժարվելու. Ուժեղ Հայաստան
Արցախցիներն իրենց տներում ապրելու լիակատար իրավունք ունեն. բայց այդ իրավունքը կյանքի կոչելու համար մ...