Սահմանադրությունը Հայաստանի երրորդ հանրապետության հիմնարար փաստաթուղթն է, մեր պետության գոյության և գործունեության առանցքային հիմնասյունը

Այսօր մենք նշում ենք Սահմանադրության օրը, Մայր օրենքն արդեն 28 տարեկան է։

Սահմանադրությունը Հայաստանի երրորդ հանրապետության հիմնարար փաստաթուղթն է, մեր պետության գոյության և գործունեության առանցքային հիմնասյունը։

 

Ըստ Սահմանադրության երկրորդ հոդվածի՝ «Հայաստանի Հանրապետությունում իշխանությունը պատկանում է ժողովրդին: Ժողովուրդն իր իշխանությունն իրականացնում է ազատ ընտրությունների, հանրաքվեների, ինչպես նաև Սահմանադրությամբ նախատեսված պետական և տեղական ինքնակառավարման մարմինների ու պաշտոնատար անձանց միջոցով։»

 

Մեր ՀայաՔվե նախաձեռնության հիմք են հանդիսանում ՀՀ Անկախության հռչակագիրը, Սահմանադրությունն ու ՀՀ Գերագույն Խորհրդի 1992թ․ հուլիսի 8-ի որոշումը։ Եվ այսօր, հայ ժողովուրդը, «Հայաքվե» նախաձեռնության շրջանակներում, փաստացի իրացնում է իր սահմանադրական իրավունքը, առնվազն 50 հազար քաղաքացիների աջակցության միջոցով առաջ տանելով իր օրենսդրական նախաձեռնությունը:

 

Այսօր մասնակցելով «Հայաքվեին», Դուք ոչ միայն պաշտպանում եք Արցախը, այլ նաև Հայաստանի երրորդ հանրապետության սահմանադրական կարգը և մեր պետության ինքնիշխան ապագան։

 

Շնորհավորում ենք Սահմանադրության օրը՝ այն սահմանադրության, որն այսօր նորից հայ ժողովրդի պաշտպանության ներքո է։