Այն դժվարությունները, փորձությունները, որոնց միջով անցնում է արցախցին, ոչ միայն անմարդկային են, այլև անհավանական են թվում 21֊րդ դարում. Ռուբեն Վարդանյան

Բայց եթե գիտես հանուն ինչի ես դիմակայում, դա ուժ է տալիս։ Մենք ամեն ինչ անում ենք, որ անկումային տրամադրությունները գլուխ չբարձրացնեն Արցախում: Դրա համար We Are Our Mountains գործակալության միջոցով տարբեր ծրագրեր ենք իրականացնում։ Հունիսի 15֊ից հետո, երբ Արցախը հայտնվեց ադրբեջանական պաշարման մեջ, մեր որոշ ենթակառուցվածքային ծրագրեր ավելի պասիվ փուլում են գտնվում, բայց փոխարենը շարունակում ենք կրթական ծրագրերը օգտագործելով առցանց հնարավորությունները։ Շարունակվում է ագրոճամբարի ծրագիրը մեր գործընկեր Climate Uturn-ի հետ, CaseKey-ի հետ իրականացվում է Բիզնես քեյսերի լուծման առցանց դասընթացը, հուլիսի 28֊ին Matena International School of Leadership and Professional Development կսկսի 4֊րդ կրթական ծրագիրը Արցախում։

Հպարտություն եմ զգում, երբ արցախցի հարյուրավոր երեխաներ, պատանիներ և երիտասարդներ, անտեսելով կյանքի ու կենցաղի դժվարությունը, կիսաքաղց վիճակը, պարտաճանաչ մասնակցում են առցանց պարապմունքներին մրցունակ գիտելիք ստանալու համար։ Սա վկայում է այն մասին, որ անհնարին է կոտրել արցախցու ոգին ու կամքը՝ թե մեծի, թե փոքրի:

Տեսանյութը` Ժամը լրատվական