Lիահույս եմ, որ հայ-ֆրանսիակական համագործակցությունը առանցքային կդարձնի արցախահայության խնդրի արդարացի լուծման հարցը. Էդուարդ Բաբայան
2022 թ. դեկտեմբերի 12-ից Արցախը Հայաստանին կապող կյանքի ճանապարհը՝ Լաչինի միջանցքը շարունակվում է ապօրինի փակ մնալ Ադրբեջանի կողմից, որի հետևանքով արցախահայությունը գոյատևում է սոցիալ-տնտեսական սուղ պայմաններում: Ստեղծված իրավիճակում օրերս եզակի և հայ ժողովրդի գնահատանքին արժանի նախաձեռնություն է իրականացրել Ֆրանսիան: Փարիզի քաղաքապետ Անն Իդալգոյի նախաձեռնությամբ, Փարիզի և ֆրանսիական մյուս համայնքների մասնակցությամբ արցախահայությանը տրամադրվում է աջակցություն. Արցախ է տեղափոխվում հումանիտար բեռների մեծ քանակություն:
Որպես Աբովյան համայնքի ղեկավար, որպես ՄԱԿ-ի ԷԿՕՍՕԿ-ի անդամ իմ երախտագիտությունն եմ հայտնում Ֆրանսիայի կառավարությանը, ՏԻՄ-երին և ժողովրդին բարեհոգության, դրսևորած մարդասիրության և հումանիտար աջակցության համար: Մենք նկատում ենք ԵԱՀԿ Մինսկի խմբի անդամ Ֆրանսիայի սրտացավությունն ու մտահոգությունը արցախահայության նկատմամբ, Արցախի ժողովրդի ինքնորոշման իրավունքի մասին Ֆրանսիան բազմիցս բարձրաձայնել է նաև միջազգային հարթակներում:
Հայության նկատմամբ Ֆրանսիայի դրսևորած մեծահոգությունը տասնամյակների պատմություն ունի: Մենք հիշում և գնահատում ենք նախորդ դարի սկզբում Օսմայնան Թուրքիայի կողմից իրագործված ցեղասպանության ժամանակահատվածում Ֆրանսիայի ժողովրդի ցուցաբերած անգնահատելի օգնությունը և ցեղասպանությունից փրկված հայերի նկատմամբ դրսևորած մեծ հոգատարությունը: Անուրանալի է նաև Ֆրանսիայի ժողովրդի օգնությունը 1988-ի երկրաշարժի ժամանակ:
Հայ -ֆրանսիական երակարմյա ջերմ բարեկամական հարաբերությունների շրջանակում Աբովյանը քույր քաղաք է ֆրանսիական Վիլորբանի հետ, որպես Ֆրանսիայի հետ համագործակցող համայնքի ղեկավար լիահույս եմ, որ հայ-ֆրանսիակական համագործակցությունը համայնքային և ավելի բարձր մակարդակներում առանցքային կդարձնի արցախահայության խնդրի արդարացի լուծման հարցը՝ ստորադասելով գոյություն ունեցող բոլոր տնտեսական շահերը և օրինակ հանդիսանալով քաղաքակիրթ աշխարհի մյուս ժողովուրդների համար:
Միևնույն ժամանակ մեծագույն ակնկալիքներով սպասում ենք առաջիկայում ՄԱԿ-ի անվտանգության խորհրդում Արցախի Հանրապետության վերաբերյալ Ֆրանսիայի կողմից ներկայացվելիք բանաձևին:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Երբ ջնջվում է... ոգին. «Փաստ»
Բիզնեսի և հանքարդյունաբերության առաջնորդներից Մարկ Կուտիֆանին երրորդ Mining Armenia Forum-ի գլխավոր ...
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Michelin-ի գաղտնի տեսուչները Հայաստանում. ո՞վ կարող է արժանանալ առաջին աստղին. «Փաստ»