«Մի տեղ Վահագն Հովակիմյանն է, մի տեղ էն մեկն ա, մեզ չի կաշկանդում»․ «Ապրելու երկիր»-ը վստահ է իր ուժերի վրա

«Ապրելու երկիր» կուսակցության համահիմնադիր Մեսրոպ Առաքելյանն այսօր հանդես եկավ մամուլի ասուլիսով՝ ամփոփելով օգոստոսի 23-ից սկսված Երևանի ավագանու ընտրությունների քարոզարշավը, որը կատարվել է կուսակցության քաղաքապետի թեկնածու Մանե Թանդիլյանի գլխավորությամբ։ ArmLur.am-ը հետաքրքրվեց՝ մտահոգիչ չէ այն հանգամանքը, որ Կենտրոնական ընտրական հանձնաժողովի նախագահ Վահագն Հովակիմյանը լինելով վարչապետ Նիկոլ Փաշինյանի վաղեմի ընկեր ու բարեկամը ,կարող է աջակցել նրան և որոշակի առավելություններ տալ «Քաղաքացիական Պայմանագիր» կուսակցությանը։

«Բացի ԿԸՀ-ից, այլ կառույցներ և պաշտոնյաներ ևս կան, որոնք ևս առնչություն ունեն իշխանության հետ։ Դա փաստ է և մնացած տեղի ունեցող ընտրական պրոցեսնեի ռեսուրսները ընդունում ենք ի գիտություն։Մեզ չի կաշկանդում այդ փաստը, և այս իրավիճակում մեր ռեսուրսները բավարար են ընտրություներում հաղթանակ ապահովելու համար։ Մի տեղ Վահագն Հովակիմյանն է, մի տեղ էն մեկն ա, մեզ չի կաշկանդում»։

Անդրադառնալով Երևանում առկա գովազդային վահանակներին, Առաքելյանը նշեց․ «Իսկ ինչ վերաբերում է գովազդային վահանակներին․ մեր ունեցած տեղեկություններով գովազդային վահանակները բաշխվել են վիճակագրությամբ, և ով որտեղ է գովազդային վահանակ տեղադրել, ես տեղյակ չեմ։ Մերը որտեղ է համընկել, մենք այնտեղ էլ տեղադրել ենք»։

Էմմա Միքայելյան