Պետք է ամեն ինչ անենք, որ դրսում հստակ հասկանան, որ Արցախում հումանիտար աղետը միտումնավոր է ստեղծվել Ադրբեջանի կողմից. Ռուբեն Վարդանյան
«Մենք ենք մեր սարերը» գործակալության համահիմնադիր, Արցախի նախկին պետնախարար Ռուբեն Վարդանյանը ֆեյսբուքյան իր էջում գրել է.
Կարևոր է, որ միջազգային հանրությունը ճշգրիտ պատկերացում ունենա Արցախում և Արցախի շուրջ տեղի ունեցող զարգացումների վերաբերյալ:
Պետք է ամեն ինչ անենք, որ դրսում հստակ հասկանան, որ Արցախում հումանիտար աղետը միտումնավոր է ստեղծվել Ադրբեջանի կողմից՝ արցախահայությանն իրենց ենթարկելու ու էթնիկ զտման քաղաքականությունն իրականացնելու նպատակով: Պարզապես այդ ամենը «փաթեթավորվում է» եվրոպական բարեհունչ տերմիններով:
Հենց այդ մասին եմ վերջերս խոսել հնդկական Newsx պարբերականի և Շվեյցարիայի հանրային RTS ռադիոյի հետ հարցազրույցներում:
Հատկապես կարևոր եմ համարում հնդկական լրատվամիջոցի՝ թեմայի նկատմամբ հետաքրքրությունը: Եվս մեկ անգամ արձանագրեցի, որ Ադրբեջանի ղեկավարությունը կառուցողական բանակցող դառնալու և իրական խաղաղության ուղղությամբ աշխատելու փոխարեն ընտրել է զորքերը և տեխնիկան Լեռնային Ղարաբաղի և Հայաստանի սահմանների մոտ տեղակայելու տարբերակը: Ուժի և ուժի սպառնալիքի կիրառումը միշտ էլ եղել են Ալիևի քաղաքականության անբաժանելի մասը: Սակայն ուժը երբեք չի կարող լուծում ապահովել։ Եվս մեկ ագրեսիայի ընտրությունը, որը հանգեցնելու է նոր մարդկային ողբերգությունների թե՛ հայ, թե՛ ադրբեջանական ժողովրդի համար, ծառայում է միայն մեկ նպատակի՝ ամրապնդել Ալիևի բռնապետական ռեժիմը։ Ալիևից և նրա ընտանիքից բացի ոչ ոք չի շահում պատերազմից, ու ադրբեջանական հասարակությունը պետք է ինքն իրեն հարց տա՝ ինչո՞ւ պետք է կռվեն և մեռնեն Ալիևի բռնապետությունը երկարացնելու համար:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Երբ ջնջվում է... ոգին. «Փաստ»
Բիզնեսի և հանքարդյունաբերության առաջնորդներից Մարկ Կուտիֆանին երրորդ Mining Armenia Forum-ի գլխավոր ...
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Michelin-ի գաղտնի տեսուչները Հայաստանում. ո՞վ կարող է արժանանալ առաջին աստղին. «Փաստ»