Մհեր Օհանյանը ոսկե մեդալ է նվաճել՝ հաղթելով նաև ադրբեջանցուն

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հոկտեմբերի 6-ին Ղրղզստանի մայրաքաղաք Բիշքեկում՝ մասնակցությամբ 26 պետության մարզիկների մեկնարկել է 2023թ. Սամբոյի պատանիների և երիտասարդների աշխարհի առաջնությունը, հայտնում են Հայաստանի սամբոյի ֆեդերացիայից։

Հայ մարզիկներից մրցապայքարի մեջ են մտել հինգը։

«Պատանիների 53 կգ քաշային Ալիկ Մեքինյանը, ցավոք, պարտվեց առաջին գոտեմարտում և դուրս մնաց հետագա պայքարից։ Պարտություններ կրեցին նաև երիտասարդների 58 և 79 քաշային կարգերում, համապատասխանաբար, Մարտին Մանուկյանը և Մհեր Խաչատրյանը։

Հաջող ելույթներ ունեցավ պատանիների 98 կգ քաշային Արսեն Հայրապետյանը, ով վիճակահանության արդյունքում բաց թողեց առաջին գոտեմարտը, ապա հաղթելով նիդերլանադացի և ղազախ մրցակիցներին՝ հասավ եզրափակիչ։ Լարված գոտեմարտում Արսենը 3։1 պարտվեց FIAS-1 թիմը ներկայացնող ռուսաստանցի Վալերի գերասիմենկոյին և բավարավեց արծաթե մեդալով։

Գերազանց հանդես եկավ և ոսկե մեդալ նվաճեց պատանիների 71 կգ քաշային Մհեր Օհանյանը․ 8։0 հաշվով հաղթանակ ֆրանսիացու, 4։1՝ ռուսաստանցու, 8։0՝ ղազախի և եզրափակչում 3։1՝ ադրբեջանցու նկատմամբ։

Այսօր պայքարի կելնեն մեր մարզիկներից ևս վեցը», - նշված է հաղորդագրության մեջ։