Միլանը բանակցություններ է վարում Իբրահիմովիչի հետ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Միլանի» գործադիր տնօրեն Ջորջիո Ֆուրլանին խոսել է նախկին հարձակվող Զլատան Իբրահիմովիչի հետ ակումբի բանակցությունների մասին։

«Շանս կա, որ Զլատան Իբրահիմովիչը կհամալրի մեր ղեկավարության շարքերը: Մենք մասնակցում ենք դրան, կհպարտանայինք դրանով։ Մենք բանակցություններ ենք վարում Զլատանի հետ՝ քննարկելու հետագա քայլերը»,- Ֆուրլանիի խոսքերը մեջբերել է ինսայդեր Ֆաբրիցիո Ռոմանոն X սոցիալական ցանցում (նախկինում՝ Twitter):

Իբրահիմովիչը «Միլանում» խաղացել է 2010-ից 2012 թվականներին և 2020-ից 2023 թվականներին: Ակումբում հինգ մրցաշրջանի ընթացքում շվեդ հարձակվողը անցկացրել է 163 հանդիպում, խփել 93 գոլ և կատարել 35 գոլային փոխանցում։

«Միլանի» հետ Իբրահիմովիչը երկու անգամ նվաճել է սկուդետոն (2010/2011, 2021/2022), ինչպես նաև Իտալիայի Սուպերգավաթը (2011/2012)։

2023 թվականի հունիսին Իբրահիմովիչը հայտարարեց իր կարիերան ավարտելու մասին՝ 41 տարեկանում։