Ինչպես Ալեք Մանուկյանը ստեղծեց ջրի միաբռնակ ծորակը
1940-ականների վերջերին ամերիկյան տարբեր գործարաններ էր ներկայանում մի գյուտարար և առաջարկում էր գնել իր հայտնագործության հեղինակային իրավունքը: Գյուտարարն առաջարկում էր ներկայումս բոլորիս կենցաղում որևէ առանձնահատուկ ուշադրության չարժանացող միաբռնակ ծորակի նախագիծ: Ամերիկացի ճարտարագետները հեգնեցին այդ գաղափարը
Միաբռնակ ծորակը հավանաբար այդպես էլ կմնար թղթի վրա, եթե գյուտարարը չդիմեր մետաղական դետալների արտադրությամբ զբաղվող Masco Screw Products ընկերությանը ։ Ընկերության ղեկավարներն էին Գարիկ Աճեմյանը, Չարլզ Սաունդերսը և Ալեք Մանուկյանը (Alex Manoogian)։ Ալեք Մանուկյանի փորձառու աչքը միանգամից նկատեց ծորակի նախագծի մեջ հաջողված հեռանկար։ «Ինչո՞ւ մի բան անել երկու ձեռքով, եթե կարելի է օգտագործել մեկը»,- կասեր նա ավելի ուշ՝ հայտնագործությունն իր անվամբ պատենտավորելուց հետո։ Գնելով ամերիկացի գյուտարարից թերի նախագիծը Ալեք Մանուկյանն այն կատարելագործեց և 1954 թվականին աշխարհում առաջին միաբռնակ ծորակը պատրաստ էր։ Այն անվանեցին Delta` հունական եռանկյունաձև տառի պատվին, քանի որ միաբռնակ ծորակի վերևի հատվածը եռանկյուն էր հիշեցնում։
Սակայն միաբռնակ ծորակը միանգամից չէ, որ տարածում ստացավ։ Masco Screw Products-ը դիմեց սանտեխնիկայով զբաղվող մի շարք ընկերությունների, սակայն ստացավ մերժումներ։ Հենց այդ ժամանակ Ալեք Մանուկյանը որոշեց ինքնուրույն արտադրել միաբռնակ ծորակները։ Արդյունքում արդեն 1958 թվականին միաբռնակ ծորակների վաճառքը բերեց այն արտադրողներին մեկ միլիոն դոլար։ Իսկ այսօր մեկ միլիոն միաբռնակ ծորակ է արտադրվում նույն կազմակերպության՝ Delta Faucet Company-ի կողմից՝ ամեն ամիս։
Այսօր սակայն, այլևս կարիք չկա գիտական հայտնագործությունները մեր առօրյա ներմուծելու և առարկայացնելու համար թակել տարբեր դռներ 2023 թվականի դեկտեմբերի 1-2-ը Երևանում կայանալիք «Գիտության և գործարարության օրեր 2023» համաժողովը կոչված է հենց գիտության և գործարարության փոխգործակցության, գիտության առևտրայնացման խթանմանը: Համաժողովը հրաշալի հնարավորություն է գիտական նորամուծություններին և հայտնագործությունների և բիզնես գաղափարների միաձուլման համար:
Միջոցառման մանրամասներն՝ այստեղ:
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...