Վարչախումբը լրջորեն մտածում է արտահերթ ընտրությունների մասին
Գործող իշխանությունները լրջորեն մտածում են արտահերթ խորհրդարանական ընտրություններ անցկացնելու մասին։ Մեր աղբյուրների փոխանցմամբ՝ վերջին շրջանում Արևմուտքում Նիկոլ Փաշինյանի հանդիպումները տեղի են ունենում դեմ առ դեմ ֆորմատով։ Փաշինյանը նախընտրում է բոլոր կարևորագույն հարցերը լուծել դրսում, քանի որ Հայստանում չի վստահում որևէ հատուկ ծառայության, իսկ դրսում էլ իր հովանավորների հետ հանդիպումներում նրան խորհուրդ են տվել լրջորեն մտածել արտահերթ խորհրդարանական ընտրություններ անցկացնելու մասին, փորձել վերականգնել սեփական լեգիտիմությունը, որպեսզի կարողանա այդ դիրքերից ելնելով իրականացնի արտաքին քաղաքական վեկտորի փոփոխման իր մտադրությունը։
Այս հանդիպումների և խորհուրդների մասին Փաշինյանն ակնարկել է որոշ ՔՊ-ականների հետ հանդիպումներում և, բնականաբար, այդ տեղեկությունը չէր կարող ամբողջովին գաղտնի մնալ, ընդ որում գործող վարչախմբի պարագլուխը ակնարկել է, որ արտահերթ խորհրդարնական ընտրությունների դեպքում հնարավորություն կա այսօրվա տիտղոսային ընդդիմությանը հանել Ազգային ժողովից։
Բոլոր հարցումներով Փաշինյանի վարկանիշն այնքան էլ մեծ չէ՝ 15-20 %-ի միջակայքում, իսկ բուն «Քաղաքացիական պայմանագրի» վարկանիշն ավելի ցածր է, նույնիսկ փաշինյանական «զոմբի» զանգվածի մոտ ընկալելի է միայն ինքը՝ Նիկոլ Փաշինյանը, այլ ոչ նրա կողմնակիցները։
Երևանի ավագանու ընտրություններն էլ վկայեցին այս հանգամանքը, որ Փաշինյանի և սեփական կուսակցության վարկանիշներն իրարից տարբերվում են։ Գործող իշխանությունների հաշվարկն այն է, որ խորհրդարանական ընտրություններում առավելագույնը 35-40 % մասնակցություն է լինելու, իսկ ցածր մասնակցության և վարչական ռեսուրսի չարաշահման դեպքում հնարավոր է խորհրդարանում ունենալ մեծամասնություն, առավել ևս, որ ընդդիմությունը ցաքուցրիվ է, ամենամեծ քաղաքակա ուժի վարկանիշը չի գերազանցում նույնիսկ 5 %-ը, և այս դեպքում իշխանությունը կարող է տարատեսակ մանիպուլացիաներով և ոչ օրինական միջոցների կիրառմամբ՝ ապահովել իր հաղթանակը, ընդ որում Փաշինյանը ցանկանում է խորհրդարան բերել նաև իր արբանյակներին, տարբեր մարդ-կուսակցություններին, որոնք իր հետ մասնակցում են արտախորհրդարանական ուժերի հավաքին, ինչպես օրինակ «Հանրապետությանը» և այլն։
Այս օրերին էլ իշխանությունը մշակում է նման զարգացումների սցենարը, և նրա կուսակիցների մի մասն ու արբանյակ կուսակցությունները պատրաստվում են՝ լրջորեն մտածելով, որ 2024 թվականին կարող են արտահերթ խորհրդարանական ընտրություններ լինել։
Սերինե Մանուկյան
Հուսով եմ` տիկինը կհերքի Քաջարանի կոմբինատի բեռնափոխադրման մոնոպոլիստը լինելու ասեկոսեն․ Դանիելյան
Փաշինյանի ձեռամբ ադրբեջանցի հատուկ ջոկատայինները գալու են ու «խաղաղ» տեղավորվեն ՀՀ-ում. ադրբեջանագետ
Մահացել է անվանի բժիշկ Արտավազդ Սահակյանը
Գերագույն գլխավոր տգետը չգիտի անգամ, որ Հայ Առաքելական Եկեղեցին հիմնադրել են Թադեոս և Բարդուղիմեոս ա...
Ուզել են Արշակ Սրբազանի գրպանը բան գցեն, հիշել են՝ սքեմը գրպան չունի. Հայկ Մամիջանյան
Իշխանությունը քահանա է փնտրում. ինչ է կատարվում Գյումրիում. «Ժողովուրդ»
Արշակ սրբազանին վերաբերող ճեպազրույցում անզգույշ մի արտահայտություն եմ արել․ փաստաբան
Ռուբլին թանկացել է․ փոխարժեքն՝ այսօր
Ինչո՞ւ «նետերն» ուղղվեցին հենց «կռիվը բաժանողի» վրա. «Փաստ»
Արման Թաթոյանը առաջարկ է ներկայացրել Ալիևին (տեսանյութ)